KUERPO POLISIAL KÒRSOU 

KOMUNIKADO DI PRENSA

337/2026

2 òktober 2026 

Dos detenshon relashoná ku kaso di tiramentu ku morto 

Relashoná ku un kaso di tiramentu ku morto ku a tuma lugá riba Plaza  Mundu Merced djárason dia 30 di sèptembèr 2026, (komunikado di prensa 335/2026), polis a hasi dos detenshon. 

Djabièrnè 2 di òktober 2026, alrededor di 09:05’or na Areopuert Hato a  detené e homber R.G.L 31 di aña di edat nasé na Korsou, relashoná ku e  kaso ariba menshoná.  

Alrededor di 15:30’or a detené un di dos sospechoso den e mesun kaso. Ta trata di D.J.D.T. di 21 aña di edat nasé na Korsou. 

Su detenshon a tuma lugá na warda di reshèrshi. 

A presentá e sospechosonan dilanti di un fiskal ouksiliar ku a ordená nan  enkarselamentu pendiente di mas investigashon.