Hòmber turista ta hoga na Playa Piskadó 

KUERPO POLISIAL KÒRSOU 

KOMUNIKADO DI PRENSA

343/2026

6 òktober 2026 

Hòmber turista ta hoga na Playa Piskadó 

Djamars 6 di òktober 2026 alrededor di 12.34’or, Sentral di Polis a dirigí  unidat di Barber i di Politur pa Playa Piskadó pa un turista ku tabatin  problema den awa i ku no tabata duna señal di bida. 

Na nan yegada, nan a bin topa un hòmber turista di nashonalidat Merikano  drumí na kantu pero ku no tabata reakshoná. 

Personal di ambulans ku a yega un ratu despues a kuminsá ku  

reanimashon pero sin resultado. 

For di investigashon ku polis a kompilá na e sitio, por a komprondé ku e  víktima tabata den awa i diripiente el a tuma nota ku su pareha a kuminsá  drif sin ta reakshoná. 

Mesora personanan ku tabata den serkania a saka e hòmber, pon’é na  kantu i kuminsá ku reanimashon sperando ambulans. 

Dòkter di polis ku a yega na e sitio, a konstatá morto. 

Personal di Politur ta kontinuá ku guia i yudansa na e famia pa 

repatriashon di e kurpa.