50 aña polis muhe den Kuerpo Polisial.

 

KOMUNIKADO DI PRENSA 380/2021
14 novèmber 2021.
50 aña polis muhe den Kuerpo Polisial.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Na aña 1971 Kuerpo Polisial di Antiya Hulandes a disidí riba petishon di gobièrnu, pa
introdusí damanan den Kuerpo Polisial komo polisnan femenino.
Di algu mas ku 600 solisitante, a logra selektá 12 kandidato ku por a kuminsá nan estudio na
Leusden, Hulanda. Motibu di esaki tabata, ku e infrastruktura e tempu ei no tabata adekuá
na skol di polis lokal, pa akapará e damanan aki, ya ku tur kos tabata konsentrá solamente
riba aspirantenan maskulino.
Riba 15 di novèmber 1971 e dosein di damanan aki a subi buelo di K.L.M. rumbo pa
Hulanda pa sigui e estudio básiko di polis.
Den luna di mart di aña 1973, nan tur a regresá despues di a gradua di un estudio ku tabata
konsistí di e parti teorétiko i práktiko.
E damanan aki nan nan yegada mester a hiba un lucha tenas pa kita e deskriminashon ku
tabatin e tempu ei manera e.o. nan no por a karga arma, no por a traha warda di anochi, no
por a kontrolá presu i no por a traha na e otro islanan di Antiya.
Esnan ku a skohe na kasa a risibí retiru honroso pasobra ta esei lei tabata dikta e tempu ei.
Pero masha lihe e promé damanan polis aki a sa di tuma nan lugá den nos organisashon i a
sa di laga un marka atras pa nos organisashon den su totalidat, pero tambe otro damanan
polis, pa kua nan a habri kaminda.
E promé damanan polis aki ta invitá prinsipalmente tur dama ku a traha na un
departamentu o instansia ku antes tabata destiná pa hende hòmber so, pa asistí na un
santu sakrifisio di misa, djaluna 15 di novèmber 2021 pa 9’or di mainta na katedral di
Pietermaai.
Pa 12’or di merdia lo habri pa públiko un mini eksposishon di e pioneronan aki na Archivo
Nashonal na Scahrlooweg. E eksposishon lo keda habrí te dia 22 di mart 2022.
Na Nijmegenstraat 54 tambe tin un eksposishon mas amplio ku ya ta habrí i ku tambe lo
keda habrí te ku mart 2022.
Un invitashon na tur skol, klup di dama i tur ku ta interesá, pa pasa na Nijmegenstraat 54 i
disfrutá di e eksposishon, ku ta habrí for di 10’or di mainta te ku 3’or di atardi.
Pa evitá aglomerashon, ta supliká pa promé ku bishitá, pa traha un sita serka señora
Cassandra Martha na telefòn 5626356.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: