AMAK TA ANUNSIA E DI 35 EDISHON DI ENTREGA DI PREMIO EDGAR  SUPRIANO 2026

AMAK TA ANUNSIA E DI 35 EDISHON DI ENTREGA DI PREMIO EDGAR  SUPRIANO 2026 

Willemstad– Manera ya ta konosí, e premio Edgar Supriano, ta e premio  ofisial di AMAK, ku ta otorgá na músikonan, kantantenan òf  agrupashonnan musikal ku durante di e aña a hasi nan mes meritorio den  nan kategoria. E aña aki nos ta bai pa e di 35 edishon di entrega di e premio  Premio Edgar Supriano.  

Ta konosí tambe ku dia 22 di novèmber ta dia di e patrono di músikonan  kual ta Santa Cicilia i ta e dia spesial kaminda AMAK ta duna un  rekonosementu spesial na artistanan i bandanan lokal, residensiá aki na  Kòrsou. 

Premio Edgar Surpiano 2026 

Direktiva di AMAK den nan reunionnan riba diferente proyekto ku nan ta  trahando riba dje a tuma nota ku dia di Santa Cicilia e aña aki ta kai riba un  djadumingu. Mirando ku ta un dia ku mayoria músiko i artista tin nan  kompromisonan pa ku presentashon, desishon a kai ku ta tene e aktividat  aki riba djamars 24 di novèmber 2026, di: 7:00 PM pa 10:00 PM den  Ouditorio di World Trade Center (WTC), sigui pa un brindis.  

Kategoria Nobo: Gospel 

Riba petishon direkto di miembronan di AMAK, e aña aki direktiva di AMAK  a disidí di agregá un kategoria nobo: Kategoria nobo ta gospel ku e sub  kategoria nan kual ta kantante Gòspel di aña 2026 i kansion Gòspel di aña  2026. 

Informashon kon pa skohe e diferente kategorianan  

Ta bon pa bo ta informá for di awor i tambe kuminsá analisá e situashon  farándulero ken pa bo ta esnan ku a destaká. Votashon online ta start for di 

djabièrnè 9 di òktober via e sigiente link:  

https://forms.gle/MCUrzv9LopGdwJiw9 

Korda ku ta artistanan biba na korsou i bandanan di Kòrsou so por kai den  nominashon. E Votashon online ta sera dia 10 di novèmber 2026, 11:59  PM.  

Un kuerpo di hurado independiente lo husga e resultadonan ku drenta via e  link.