𝐊𝐨̀𝐫𝐬𝐨𝐮 𝐢 𝐈𝐧𝐝𝐢𝐚 𝐭𝐚 𝐟𝐨𝐫𝐭𝐚𝐥𝐞𝐬𝐞́ 𝐧𝐚𝐧 𝐫𝐞𝐥𝐚𝐬𝐡𝐨𝐧 𝐩𝐚 𝐮𝐧 𝐟𝐮𝐭𝐮𝐫𝐨 𝐤𝐮 𝐦𝐚𝐬 𝐨𝐩𝐨𝐫𝐭𝐮𝐧𝐢𝐝𝐚𝐭!

Durante e reunionnan anual di Fondo Monetario Internashonal (IMF) i Banko Mundial na Bangkok, Thailandia, Minister di Finansa di Kòrsou, sr. Charles F. Cooper, a sostené un kombersashon masha positivo ku Ministra di Finansa di India, sra. Nirmala Sitharaman.

Durante e enkuentro aki, a interkambiá ideanan tokante oportunidatnan di negoshi, koperashon Fiskal /ekonómiko i posibilidatnan pa Kòrsou i India fortalesé nan kolaborashon den diferente sektor. Sigur Korsou por nifiká hopi pa komersiantenan di India ku ke hasi negoshi na Venezuela. Nos sistema fiskal por ta un pro pa esaki i nos por fungi komo Hub.

Un punto importante di e kombersashon tabata e komunidat indio na Kòrsou, ku durante añanan a kontribuí na desaroyo di nos ekonomia, kreashon di oportunidatnan di trabou i fortalesimentu di nos sektor komersial. Sigur nos por traha riba un tratado pa evitá dobble taxation pa empresanan.

Nos a informá e minister di Finansas di India tambe ku Korsou a honrá un Rotonde na nòmber di un gran personaje den historia di India i di Humanidat. Mahatma Ghandi. Asina su legado ta keda bibu, komo ehèmpel pa generashonnan ku lo bini.

E enkuentro aki ta habri porta pa eksplorá mas oportunidatnan di koperashon entre ámbos pais den futuro.