KUERPO POLISIAL KÒRSOU 

KOMUNIKADO DI PRENSA

359/2026

21 òktober 2026 

Kaso di tiramentu ku herido 

Djárason 21 di òktober 2026 alrededor di 02.00’or, Sentral di Polis a risibí informashon di un hòmber ku a risibí herida di bala den Kaya Berom i ku e tabata wòrdu transportá den un vehíkulo privá pa C.M.C. 

Riba Kaya Duvert “Boy” Nicolina e vehíkulo a konfrontá desperfekto i no  por a sigui kore. 

Mesora Sentral di Polis a dirigí un unidat polisial i ambulans pa e sitio. Na yegada di e unidat, el a topa un víktima maskulino, drumí abou dilanti  di un establesimentu ku herida di bala na entre otro su pia. 

For di investigashon a sali na kla ku e hòmber huntu ku su partner un ratu  promé tabata den Kaya Berom i e hòmber a keda alkansá pa tirunan for di  un arma di kandela. 

E vehíkulo den kua nan tabata, tambe a risibí varios impakto di bala. 

Ambulans a tuma e víktima over i transport’é pa Sala di Emergensia di  C.M.C., mientras ku reshèrshinan táktiko i forensiko a presentá na e sitio  pa kontinuá ku e investigashon. 

E outo den kua e hòmber heridá i su partner tabata, a keda konfiská.