Informashon Relashoná ku kandela na scrapyard na Heintje Kool

22 di òktober 2026

 

Informashon Relashoná ku kandela na scrapyard na Heintje Kool

 

Ministerio di GMN ta informá abitantenan relashoná ku un kandela ku ta tumando lugá na tereno di industria Heintje Kool. Investigashon preliminar ta indiká ku e scrapyard ta na kandela. Servisionan di emergensia i outoridatnan relevante ya ta atendiendo e situashon.

 

E huma ku a keda produsí pa e kandela akí por okashoná molèster pa abitantenan den barionan ku ta keda pabou (wèst) di e área.

Entre e supstansianan ku por ta envolví ta metal i zeta di motor.

 

Rekomendashonnan pa abitante den e bario i área den bisindario:

● Si bo ta den área kaminda e huma ta konsentrá, sera bentana i porta i protehá bo bestianan di kas.

● Si bo sinti iritashon di wowo, laba esaki ku awa. Si esaki pèrdurá bishitá bo dòkter di kas. Si tin problema ku rosea òf falta di rosea, buska asistensia médiko

inmediatamente.

● No kome kuminda òf awa ku por a keda eksponé na partíkulanan den airu.

● Si tin stòf òf residuo, laba esaki ku awa.

 

Nos ta pidi tur abitante e área afektá pa mantené kalma i sigui solamente informashon

ofisial.