KUERPO POLISIAL KÒRSOU 

KOMUNIKADO DI PRENSA

367/2026

24 òktober 2026 

Hòmber detené pa atrako i arma konfiská 

Djasabra 24 di òktober 2026 alrededor di 03.00’or, un unidat polisial di  warda di polis di Punda ku tabata patruyando den Skalo, a keda pará pa un  hòmber ku a indiká ku el a kaba di wòrdu atraká dor di un otro hòmber. Riba indikashon di e víktima, polis a bai bou di un palu na unda tabatin un  grupo di hòmber sintá. 

Un di e hòmbernan bou di e palu, ku tabata kuadra ku e deskripshon di e  víktima, a kuminsá aktua sospechoso i a trata na benta un arma di kandela  afó.  

Mesora polis a konfiská e arma i a detené e hòmber J.A.L. di 35 aña di  edat nasé na Kòrsou, komo sospechoso di atrako i violashon di e lei di  arma di kandela. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.