KUERPO POLISIAL KÒRSOU 

 

KOMUNIKADO DI PRENSA

392/2026

4 novèmber 2026 

Detenshon pa violashon di lei di arma di kandela i konfiskashon 

Djárason 4 di novèmber 2026 alrededor di12.20’or, un unidat polisial ku  tabata patruyá riba Seru Fortunaweg, a para un vehíkulo pa a hasi un  kontròl. 

Durante di e kontròl, polis a bin enkontrá 9 bala skèrpi ku a keda konfiská. Na e sitio, polis a detené e hòmbernan J.D.H di 24 aña di edat i S.A.N. de  F. di 21 aña di edat, ámbos nasé na Kòrsou. 

E vehíkulo a keda hibá warda di polis pa investigashon mas profundo. Mas despues, polis a bin topa den e vehíkulo un arma di kandela skondí den un kompartimentu. 

A presentá e sospechosonan dilanti di un fiskal ouksiliar ku a ordená nan  enkarselamentu pendiente di mas investigashon.