TUR 33 BOTIKA NA KÒRSOU TA OPERASHONAL
Salubridat Públiko, Medio Ambiente i Naturalesa
TUR 33 BOTIKA NA KÒRSOU TA OPERASHONAL
Publiká riba 05 Novèmber 2026
Awe Inspektor di Remedi a imponé un “Last onder dwangsom” riba 25 botika pa motibu ku nan no a kumpli ku instrukshon pa habri nan botika konforme lei (8:00am–7:00pm).
E Last onder dwangsom a enserá ku si pa 13:00 ‘or di mèrdia awe nan no habri pa públiko, nan mester paga un Dwangsom di XCG 10.000,- pa kada dia òf parti di dia te na un máksimo di XCG 100.000,-.
Despues di a imponé esaki, Inspekshon di Salubridat a pasa tur botika pa kontrolá kumplimentu ku lei.
Inspekshon a konkluí ku tur botika a habri nan porta pa pueblo, kumpliendo asina ku lei.
Inspekshon di Remedi ta sigui supervisá kumplimentu ku lei pa asina garantisá suministro i aksesibilidat di remedi na Kòrsou.
639114718427035"
639114718427035"