November 7, 2026
Latest:

KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

TURISMO

Rapòrt Impakto Blue Wave ta ilustrá 29.5 bion ‘reach’ pa Kòrsou  / Blue Wave Impact Report shows 29.5 billion in estimated reach for Curaçao

REDAKSHON

Rapòrt Impakto Blue Wave ta ilustrá 29.5 bion ‘reach’ pa Kòrsou 

 

WILLEMSTAD – 5 di novèmber 2026 – Ofisina di Turismo di Kòrsou (CTB) a publiká e rapòrt ‘The Blue Wave Impact Report 2026’. E rapòrt ta dokumentá kon e selekshon nashonal di futbòl di Kòrsou a hiba nòmber di Kòrsou na públiko rònt mundu, for di klasifikashon pa Kopa Mundial riba 18 di novèmber 2025 te ku e partidonan di fase di grupo na yüni 2026. Kòrsou tabata den notisia rònt mundu, ku publikashonnan den medionan na Nort Amérika, Latino Amérika i Europa, ku un alkanse kombiná estimá di 29.5 bion. Resientemente, direktor di CTB, Muryad de Bruin a hasi entrega ofisial di e rapòrt na Minister di Desaroyo Ekonómiko, Roderick Middelhof.

 

E logro históriko di e selekshon a trese atenshon internashonal riba Kòrsou komo destinashon. CTB, den estrecho kolaborashon ku su partnernan, inkluyendo agensianan regional di PR, partnernan di media, e industria di biahe i tambe su representantenan den e merkadonan di Nort Amérika, Latino Amérika i Europa, a sa di transformá e entusiasmo rondó di e selekshon den kobertura den media, eventonan, visibilidat digital i kampañanan pagá ku a konta e historia mas amplio di Kòrsou, su hendenan, su kultura i su hospitalidat. 

 

Algun di e resultadonan prinsipal:

  • 30.400 publikashon den medionan na Nort Amérika, Latino Amérika i Europa, ku un alkanse (reach) kombiná di 29.5 bion. Alkanse ta midi e kantidat total di biaha ku un notisia a keda eksponé, pues e mesun persona por keda kontá mas ku un biaha.
  • Direktor di CTB, sr. Muryad de Bruin a duna entrevista na entre otro: KHOU-TV (Houston), FOX 29’s Good Day Philadelphia, CW17 i 6ABC. 
  • Curacao.com a registrá 3.75 mion seshon i 83.5 mion impreshon den Google Search. E tráfiko a yega su punto mas haltu riba 14-15 di yüni, despues di e partido Kòrsou kontra Alemania. E siman ei, e páginanan “Where is Curaçao?” a atraé hopi tráfiko na ingles, portugues, aleman i franses. 
  • Brazil só a produsí 18.705 publikashon i a representá 32.1% di tur bishita riba curacao.com, mas ku tur otro pais. 
  • E Blue Wave Village na Houston riba 14 di yüni a atraé 1200 fanátiko. BBC News, Bloomberg, NOS i Houston Chronicle a raportá bibu for di e Village, miéntras NBC Nightly News a graba un segmentu. 
  • CTB a invitá mas di 15 prensa internashonal Kòrsou inkluyendo Sports Illustrated, CBS Sports, Telemundo Deportes, Globo Esporte, ESPN Brasil i dos dokumental di televishon aleman (ARD i Galileo/ProSieben). E prensanan aki a mustra Kòrsou su kultura, kuminda i hospitalidat, no solamente su futbòl.
  • E rekonosementu di e selekshon den Guinness World Records a hala hopi atenshon den notisia na Brazil. 
  • Menshon di Kòrsou riba plataformanan di AI manera ChatGPT i Gemini a subi ku 10.6% durante e periodo di e torneo. 

 

E rapòrt ta konkluí ku e visibilidat ku a logra ta un fundeshi, no un resultado final. CTB lo konstruí riba e relashonnan nobo ku medionan internashonal, e patronchi di tráfiko establesé riba curacao.com, Kòrsou su presensia kresiente riba plataformanan di AI, i e relashon ku a keda formá ku partnernan/fanátikonan ku a partisipá na e diferente eventonan. E Blue Wave Impact Report 2026 kompletu ta disponibel riba curacaotouristboard.com, bai na ‘Data & Stats’ i click riba ‘Tourism Reports’. 

 

Blue Wave Impact Report shows 29.5 billion in estimated reach for Curaçao

 

WILLEMSTAD – November 5, 2026 – The Curaçao Tourist Board (CTB) has released The Blue Wave Impact Report 2026. The report documents how Curaçao’s national football team carried the island’s name to audiences around the world, from World Cup qualification on 18 November 2025 through the group stage matches in June 2026. Curaçao was in the news worldwide, with coverage in media across North America, Latin America and Europe, with an estimated combined reach of 29.5 billion. Recently, CTB Managing Director Muryad de Bruin officially handed over the report to the Minister of Economic Development, Roderick Middelhof.

 

The team’s historic achievement brought international attention to Curaçao as a destination. In close collaboration with its partners, including regional PR agencies, media partners and the travel trade, and with its own in-market teams in North America, Latin America and Europe, CTB turned the excitement around the team into media coverage, events, digital visibility and paid campaigns that told the wider story of Curaçao: its people, its culture and its hospitality.

 

Key highlights:

  • 30,400 media placements across North America, Latin America and Europe, with an estimated combined reach of 29.5 billion. Reach measures total potential exposure, so the same person may be counted more than once.
  • CTB Managing Director Muryad de Bruin gave interviews to several media outlets including KHOU-TV (Houston), FOX 29’s Good Day Philadelphia, CW17 and 6ABC.
  • Curacao.com recorded 3.75 million sessions and 83.5 million Google Search impressions. Traffic peaked on 14-15 June, after the Curaçao vs Germany match. That week, the “Where is Curaçao?” pages drew heavy traffic in English, Portuguese, German and French.
  • Brazil alone produced 18,705 placements and accounted for 32.1% of all visits to curacao.com, more than any other country.
  • The Blue Wave Village in Houston drew 1,200 fans on 14 June. BBC News, Bloomberg, NOS and the Houston Chronicle reported live from the Village while NBC Nightly News filmed a segment there.
  • CTB hosted more than 15 press trips to Curaçao, including Sports Illustrated, CBS Sports, Telemundo Deportes, Globo Esporte, ESPN Brasil, and two German TV documentaries (ARD and Galileo/ProSieben). These visits showed Curaçao’s culture, food and hospitality, not only its football.
  • The team’s Guinness World Records recognition made headlines in Brazil.
  • Mentions of Curaçao in AI tools such as ChatGPT and Gemini rose 10.6% during the tournament window.

 

The report concludes that the visibility gained is a foundation, not a finished outcome. CTB will build on the relationships formed with international media, the traffic patterns established on curacao.com, Curaçao’s growing presence in AI-driven search, and the trade partners and fans engaged at events. The full Blue Wave Impact Report 2026 is available at curacaotouristboard.com. Go to ‘Data & Stats’ and click on ‘Tourism Reports’. 

639114718427035"
639114718427035"