Direktor di Ofisina di Turismo di Kòrsou ta risibí CMEx Leadership Award / Curaçao Tourist Board Managing Director honored with CMEx Leadership Award
Direktor di Ofisina di Turismo di Kòrsou ta risibí CMEx Leadership Award
WILLEMSTAD- 11 di desèmber 2025 – Resientemente, na Miami, Florida a tuma lugá e seremonia di ‘Caribbean Media Exchange (CMEx) Leadership Awards’. E aña aki un total di 15 persona a risibí e rekonosementu prestigioso aki di kual Direktor di Ofisina di Turismo di Kòrsou (CTB), Muryad de Bruin, ta unu di nan. E rekonosementu a keda entregá pa Caribbean Media Exchange, Inc. un organisashon nonprofit ku su mishon ta entre otro pa sostené i desaroyá e abilidat di media, gobièrnu, industria di biahe i turismo i komunidatnan pa rekonosé e importansia di turismo den desaroyo sostenibel. E seremonia di e aña aki a honra personanan ku pa medio di nan liderazgo ta sigui kontribuí na turismo, kultura i desaroyo den Karibe.
Sr. de Bruin a risibí e rekonosementu aki na nòmber di koleganan di CTB i tur persona ku ta laborá den e industria di turismo i hospitalidat. E esfuerso kolektivo, ta loke ta sòru ku Kòrsou di forma konsistente ta ofresé un eksperensia eksepshonal na turistanan, lagando nan sera konosí ku Kòrsou su playanan bunita, kultura vibrante, tradishonnan kulinario i hendenan amabel.
Curaçao Tourist Board Managing Director honored with
CMEx Leadership Award
WILLEMSTAD – December 11, 2025 – The Caribbean Media Exchange (CMEx) Leadership Awards ceremony was recently held in Miami, Florida. A total of 15 individuals received this prestigious award, and the Director of the Curaçao Tourist Board, Mr. Muryad de Bruin, was among the honorees. The award is presented by Caribbean Media Exchange, Inc., a nonprofit organization whose mission includes, among other things, supporting and developing the ability of the media, government, the travel and tourism industry, and communities to recognize the importance of tourism in sustainable development. This year’s ceremony recognized individuals whose leadership continues to shape tourism, culture and development across the Caribbean.
Mr. de Bruin accepted the award on behalf of his CTB colleagues and all those working in the tourism and hospitality industry. Their collective efforts ensure that Curaçao consistently delivers an exceptional visitor experience, showcasing Curaçao’s beautiful beaches, vibrant culture, rich culinary traditions, and warm, welcoming people.
****************************