Djasabra atardi tabata tin e seremonia di prome bishita di e barku krusero “Renaissance” na Kòrsou

Djasabra atardi tabata tin e seremonia di prome bishita di e barku krusero “Renaissance” na Kòrsou. E barku ta usa Kòrsou komo interport i pues ta ofrese pasaheronan pa subi i baha e barku krusero na Kòrsou. No tin nodi mas di bai Miami of Fort Lauderdale pa subi un barku krusero. Na Kòrsou mes por subi un barku krusero awor. Ta trata di un cruise ku ta ser ofrese pa Corendon den koperashon ku Ambassador Cruise Line

Varios persona a hiba palabra den sala di teatro riba Renaissance: Humberto de Castro (CPA), Gunay Uslu (Corendon International Travel), Muriad de Bruin (CTB), Albert Elens (scheepsagent Maduro & Sons), Charles Cooper (minister di Trafiko i Transporte) i Yan Jouffroy (kapitan di Renaissance).

Na e okashon aki Gunnay Uslu a bisa ku e cruise for di Kòrsou ta un soño di Corendon ku a bira realidat.
Muriad de Bruin (CTB) a bisa ku awor komunidat di Kòrsou tambe por hasi cruise den Karibe. Esei danki na Corendon na un preis rasonabel.
Minister Cooper a gradisi Atilay Uslu. E ta kere den Kòrsou. Gobiernu ta yamabu danki pa bo esfuersonan.
Kapitan Youffroy tambe a gradisi Atilay Uslu pa su trabou i su vision.