Kumbre turístiko: Impakto di turismo riba ekonomia di Kòrsou / Tourism summit: The impact of tourism on the economy of Curaçao

Kumbre turístiko: Impakto di turismo riba ekonomia di Kòrsou

 

WILLEMSTAD- 1 di novèmber 2022 – Resientemente Ofisina di Turismo di Kòrsou (CTB) a organisá un kumbre turístiko titulá: ‘Impakto di turismo riba ekonomia di Kòrsou’. E kumbre a konta ku partisipashon di ministernan, representantenan di komishon ekonómiko di Parlamento di Kòrsou i sekretarionan general di e diferente ministerionan. E meta tabata pa presentá e diferente aktividatnan ku CTB ta ehekutá tantu riba tereno di merkadeo pa asina atraé mas bishitante pa nos pais komo riba e área di desaroyo di produkto kontribuyendo di e manera ei na un mihó eksperensia di e turista ku ta skohe pa bishitá nos. Mas aleu e meta tabata pa mustra e impakto di e sektor di turismo komo pilar ekonómiko importante pa nos pais, e retonan, oportunidatnan i e ophetivonan pa aña 2023. E apertura a keda hasí pa Minister di Desaroyo Ekonómiko, sr. Ruisandro Cijntje miéntras Counterpart Director di CTB, sr. Muryad de Bruin i Business Intelligence Manager, sra. Christine Campagnard a guia e partisipantenan dor di e presentashon. E partisipantenan di nan banda a kontribuí ku preguntanan i ideanan tantu riba e área di merkadeo komo desaroyo di e produkto turístiko.

 

Durante di e kumbre a mustra kon CTB a kolekta, analisá i por último usa e data den ehekushon di e plannan di aña 2022 pa region di Nort Amérika, Europa, Sur Amérika i Karibe. Tambe a diskutí e tendensianan internashonal ku ta afektá e industria di biahe, e tipo di turista ku ta bishitá nos pais, for di unda nan ta bini, nan edat, e tipo di akomodashon ku nan a skohe, kon largu nan a keda, kuantu nan a gasta durante nan estadia i a hasi un komparashon ku aña 2019 esta promé ku pandemia i aña pasá. Mas aleu a kompartí e skema di airlift for di e diferente merkadonan di enfoke i a diskutí e diferente retonan i oportunidatnan pa ku airlift pa Kòrsou.

 

Riba tereno di desaroyo di e produkto turístiko a presentá algun akshon ku ta keda ehekutá pa alsa e eksperensia di e turista manera entre otro e programa di ouditorio i sertifikashon di establesimentunan den sektor turístiko, e proyekto Kòrsou ta dushi i limpi i e avansenan den e trabounan di konstrukshon na área di rekreashon Marie Pampoen i Zakito. Tambe a para ketu na introdukshon di turismo den skol i trainingnan pa gruponan den e industria di turismo i pa desempleadonan.

 

Na final, CTB a gradisí e partisipantenan pa nan partisipashon i a enfatisá e bon koperashon ku e diferente ministerionan den ehekushon di e diferente akshonnan. CTB ta sigui ku e esfuersonan pa konhuntamente ku partnernan den sektor privá promové nos pais komo e destinashon turístiko number 1 den Karibe.


 

Tourism summit: The impact of tourism on the economy of Curaçao

 

WILLEMSTAD- November 1, 2022 – Recently the Curaçao Tourist Board (CTB) organized a tourism summit titled: ‘The impact of tourism on the economy of Curaçao’. Those participating at the summit were the ministers, representatives of the economic committee of the Curaçao Parliament and secretary generals of the different ministries. The objective was to present the different activities that CTB is executing with regards to marketing in order to attract more visitors to our island, and tourism product development activities thereby contributing to a better experience for the tourists who choose to visit us. Furthermore, the goal was to show the impact of the tourism sector as an important economic pillar for our island, as well as the challenges, opportunities, and targets for 2023. The opening words were made by Minister of Economic Development, Mr. Ruisandro Cijntje while CTB Counterpart Director, Mr. Muryad de Bruin and Business Intelligence Manager, Mrs. Christine Campagnard led the participants through the presentation. The participants also contributed with their questions and ideas on both marketing and the tourism product development.

 

During the summit, we showed how we gather, analyze and ultimately use data to executed our 2022 plans for    the regions of North America, Europe, South America, and the Caribbean. Also, we discussed the current international trends that affect the travel industry and looked at the type of tourists who visit our island, where they come from, their age, the type of accommodation they choose, how long they stay, how much they spend during their visit, this information was compared to the pre-pandemic year of 2019 and last year. Furthermore, the airlift schedules for the several target markets were also shared and we discussed the different challenges and opportunities with airlift to Curaçao.

 

Regarding the tourism product development, some actions were presented which are being executed to enhance the experience of tourists, such as the auditing and certification program for establishments in the tourism sector, the ‘Curaçao is dushi and clean’ program, and the progress in construction work at the recreation areas of Marie Pampoen and Zakito, as well as the introduction of tourism in schools and the training sessions for groups in the tourism industry and for the unemployed.

 

At the end of the summit, CTB thanked the attendees for their participation and emphasized the great collaboration with the several ministries in executing the different actions. CTB will continue its joint efforts together with private sector partners to promote our country as the number 1 tourist destination in the Caribbean.

Share this page to Telegram

This site uses Akismet to reduce spam. Learn how your comment data is processed.

%d bloggers like this: