LOKÈT DI PÈRMIT I LOKÈT DI KOMUNIDAT TEMPORALMENTE KU ORARIONAN ADAPTÁ

Willemstad – Ministerio di Maneho di Gobernashon, Planifikashon i Servisio Públiko ta informá ku e balinan di Lokèt di Pèrmit (Saliña) i Lokèt di Komunidat (Sambil), lo ta será:

Djabièrnè, dia 13 di novèber 2026

E adaptashon temporal pa e dia aki ta relashoná ku un entrenamentu pa e empleadonan di e lokètnan. Servisionan kustumbrá na bali no por tuma lugá konfòrme e adaptashon menshoná ariba.

Pa mas informashon tokante nos servisionan por tuma kontakto ku Lokèt di Pèrmit na telefòn 433-3123, pa medio di e-mail na: infovergunningenloket@gobiernu.cw òf bishitá e wèpsait di Lokèt Digital.