Laman brutu ta formando un peliger pa siudadanonan i tambe boto chikí.

Ministerio di Tráfiko, Transporte i Planifikashon Urbano 392016

Laman brutu ta formando un peliger pa siudadanonan i tambe boto chikí.

Willemstad – Ministerio di Tráfiko, Transporte i Planifikashon Urbano (VVRP) pa medio di su Servisio Meteorológiko Kòrsou ta informá tur siudadano ku na e momentu aki ainda laman na parti wèst di Kòrsou ta brutu. Esaki ta pa motibu di e presensia di Orkan Matthew den Karibe. E laman ta forma un peliger! Servisio Obra Públiko, riba indikashon di Kuerpo Polisial Kòrsou, a sera diferente playa na Banda Bou. Ta urgí tur usuario pa NO hasi uso di playanan na Banda Bou.

Servisio Meteorológiko a informá komunidat ayera pa tene kuenta ku posibel olanan ku ta kibra violentamente riba playa (resake) den forma di kódigo hel. Awe mainta ora ku a detektá ku tin olanan grandi, Meteo a saka un alerta di kódigo ros ku ta nifiká kondishon di peliger natural ta eminente/presente.

P’esei ta urgí tur usadó di playa i tambe doño di boto chikí pa no bai playa i respetá e barikada ku tin poné kaminda a sera e playanan. Na momentu ku e situashon ta safe lo bolbe habri tur e playanan atrobe.

Mayan mainta lo bolbe evaluá e situashon pa por duna informashon alkaso.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: