Ola Tropikal no ta forma peliger aktualmente pa Kòrsou.
Ola Tropikal no ta forma peliger aktualmente pa Kòrsou.
Willemstad – Servisio Meteorológiko Kòrsou ta informá ku tin un ola tropikal formando na parti Ost di Karibe. E sistema aki tin un posibilidat di 20% pa bira un siklon tropikal den e dianan benidero. Ta pronostiká ku esaki lo por trese áwaseru pa nos isla den e wikènt benidero. Meteo ta sigui vigilá e wer aki di aserka i lo duna informashon alkaso na momentu ku esaki bira nesesario.
Na e momentu aki, e sistema NO ta forma un peliger pa nos isla, pues no tin nodi di tin pániko. Instansianan di Gobièrnu ta para kla pa atendé ku kualke eventualidat. Servisio pa Obra Públiko ta sigui limpia roi i ‘duiker’nan. Suidadanonan ku tuma nota di roi of ‘duiker’ sushi por yama, sms òf manda un whats app na number di telefon: +5999 669-3374, +5999 524-2121, òf +5999 521-7800.
Por sigui e desaroyonan via di Meteo su Curacao Weather Mobile App i tambe e página di Facebook Meteorological Department of Curacao.