Preparashon pa e di dos edishon di Miss Teen Bikini International 2016 ta yegando su siman kulminante

Preparashon pa e di dos edishon di Miss Teen Bikini International 2016 ta yegando su siman kulminante

Ya pa dia 08 òktober próksimo ta ranka sali e siman pa yegada di e kandidatanan pa Miss Teen Bikini International 2016. Un siman largu kaminda lo bai tin tur tipo di evento organisá pa IBFF pa asina na final dia 15 òktober elegí e di dos Miss Teen Bikini Int., H2O Ambassadors. Lo tin partisipashon for di diferente pais manera Mexico, Aruba, Boneiru, Canada, Perú, Panamá, Puerto Rico, Venezuela, Isla de Coche, Repúblika Dominikana i hopi mas. E sertámen aki tin komo meta pa konsientisá e paisnan tokante di preservashon i konservashon di awa. No ta tur pais ta asina privilegiá pa yega bo kas i habri un kranchi di awa i haña awa limpi.
Pues kada kandidata tin tres minüt pa dilanti di un kuerpo di hurado presentá nan proyekto pa ku awa na nan pais. Dia 10 òktober lo tin instalashon ofisial di e kandidatanan na Riffort Village na Renaissance Hotel. Nan lo bishita vários parti di Kòrsou manera entre otro Promé Minister, Planta di awa di Aqualektra na Brakkeput, lo tin un dia di deporte aquatiko pa nan na Mambo Beach organisá pa ProFit Curaçao.
Nan lo ta di bishita na Penha, lo organisá hinter un dia pa nan na Banda Bou ku nos a titulá “The Hidden Treasure” ku ayudo di Fundashon VIBA. Lo bai tin un Auction Fashion Show pa asina por rekoudá fondo pa Curaçao Zoo teniendo kuenta ku nan tin problema ku awa. I dianan 13 i 15 òktober lo tin e dos shownan Pre eliminar i Final ku lo tuma lugá den Atrium na Renaissance Curacao Resort, nos hotèl ofisial pa MTBI, H2O Ambassasors 2016. Karchi pa e dos evento nan aki ta optenibel na ofisina na WTC. Por tuma kontakto na telefon 788 1103 òf 679 6057 / 695 6491. Organisashon IBFF kier a yama un danki masha grandi mes na tur su spònser i partners nan ku a yuda pa hasi e evento aki posibel, sin nan nos lo no por a organisá esaki pa di dos biaha. Danki un biaha mas pa e konfiansa depositá den nos.
schedule-copia

This site uses Akismet to reduce spam. Learn how your comment data is processed.

error: Content is protected !!
%d bloggers like this: