Orashon djaweps 6 di òktober 2016

Hesus a sigui bisa nan: ‘Suponé ku un di boso bai kas di un amigu, meimei di anochi, i bis’é: “Mi amigu, fia mi tres pan. Un amigu di mi a kaba di yega serka mi, for di un biahe, anto mi no tin nada pa ofres’é.” Awor suponé ku e otro amigu kontestá: “No molestiá mi. Porta ta será na yabi kaba. Ya mi a bai drumi kaba i mi yunan tambe ta drumí riba kama huntu ku mi. Mi no por lanta pa duna bo nada.” Mi ta bisa boso: E ta lanta duna e otro loke e mester, no pasobra e ta su amigu, sino pasobra e otro tabata asina frepòstu di insistí. Tambe Mi ta bisa boso: Pidi i boso lo risibí; buska i boso lo haña; bati i porta lo habri pa boso. Pasobra ken ku pidi, lo risibí; ken ku buska, lo haña; i ken ku bati, porta lo habri p’e. Òf por tin un di boso ku ta tata, ku lo duna su yu kolebra ora e yu pidi piská? Òf dun’é un skarpion ora e pidi un webu? Ke men, si boso mes ku ta mal hende sa di duna boso yunan kos bon, kuantu mas antó boso Tata den shelu lo no duna esnan ku pidiÉ Spiritu Santu?’
Lukas 11:5‭-‬13