Pronóstiko di tempu pa Kòrsou i bisindario bálido te djasabra mainta 06:00 o.l., 8 di òktober 2016.

Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 8 di òktober 2016.
Kompilá: Djabierne 7 di òktober 2016, 05:00 o.l. (09:00 UTC)
Tempu: Leve te parsialmente nublá i tin posibilidat pa algu di áwaseru lokal durante oranan di anochi i mainta. No ta eksklui chèns pa bos.
Temperatura máksimo lo alkansá 33ºC i temperatura mínimo, 27ºC. 
Solo ta sali 06:25 i e lo baha 18:22 o.l.
Bientu: For di un direkshon generalmente ost i moderá; forsa 3 te 4 (11 te 30 km/ora, 7 te 16 nudo). Prinsipalmente den dia of durante áwaseru de bes en kuando basta fuerte; forsa 5 (31 te 39 km/ora, 17 te 21 nudo). 
Situashon general: Un ola tropikal suak awe tardi tabata situa ost di Boneiru i ta moviendo den direkshon wèst. Djabièrnè mardugá i mainta e sistema aki lo alkansa i pasa ofer di nos region den direkshon wèst. Ounke mayoria di wer ku ta kompaña e sistema aki lo pasa nort di nos isla, lo bai tin momentu ku esaki por okashoná momentunan ku un of mas áwaseru lokal.
Kondishon di laman: Por lo general moderá ku altura di olanan entre di 1 i 2 meter (3 pa 7 pia).
Sistemanan signifikante di wer tropikal: Orkan Matthew tabata situá awe mainta riba Osean Atlántiko wèst, serka kosta suitost di Florida den visindario di West Palm Beach. Matthew un orkan kategoria kuater, ekstremadamente peligroso, ta moviendo den direkshon nortwèst i lo keda kore durante e dianan aki paralèl di e kosta di Florida i e di South carolina. E poblashon na tantu e kosta ost di Florida komo e estadonan di Carolina’s ta prepará pa resake pisa i bientunan ku forsa di orkan, durante proksimo dianan. E sistema ta sigui move pokopoko den direkshon nortwèst paralelo na e kosta Amerikano. 
Orkan Nicole awe mainta tabata situá riba Osean Atlántiko sùit di Bermuda i ta move den direkshon nortwèst. E dos sistemanan aki no ta forma menasa pa nos region. 
Un otro disturbio djis pafo di area di Caribe kasi no ta mustra muchu moveshon i e sistema aki tin potensial ku durante proksimo dianan por sigui desaroyá poko poko i bira un siklon tropikal. Ounke e posibilidat ku e por bai afekta nos isla of region ta hopi chikí, servisio Meteorologiko di Kòrsou ta siguí vigilá e sistema aki ku hopi atenshon.

Fenómeno spesial: Ningun.
Pèrspektiva te djadumingu mainta: Por lo general parsialmente nublá i lokalmente lo kai un of mas áwaseru.
Meteorólogo: Abraham.
E próksimo boletin di tempu lo wòrdu publiká djabièrnè 12:00 o.l. (16:00 UTC).