Kriterionan pa interesadonan di proyekto ˈBo kas na bo Midí!ˈ Por inskribí te ku dia 30 di novèmber.

Posted by

Ministerio di Tráfiko, Transporte i Planifikashon Urbano 392016

Minister Suzy Camelia Römer i Domeinbeheer ta informá:
Kriterionan pa interesadonan di proyekto ˈBo kas na bo Midí!ˈ
Por inskribí te ku dia 30 di novèmber.

Willemstad – Minister Suzy Camelia Römer i Domeinbeheer ta informá ku ainda tin oportunidat pa suidadanonan inskribí nan mes pa bini na remarke pa un kas den e proyekto ‘Bo kas na bo Midí!’ na Sapaté. E proyekto ta brinda un tremendo oportunidat pa traha poko poko riba e kas di un hende su soño, manera ta nos kustumber na Kòrsou. Mester tene kuenta si ku e kriterionan ku kada interesado mester kumpli kuné pa por yega na remarke pa un di e kasnan aki. Por inskribí te ku dia 30 di novèmber 2016.

Lista di kriterio:
Personanan ku ta interesá pa bini na remarke mester kumpli ku e siguiente kriterionan:
1. E persona mester ta registrá na Kranshi komo habitante di Kòrsou.
2. Entrada di e persona (i su esposo(a) òf partner ku ken e tin un akuerdo di kohabitashon registrá na notario), huntu ta no mas ku ANG 3.500 brutu pa luna.
3. No ta pèrmití pa e persona tin mas bien inmóbil manera kas òf tereno.
4. E persona mester tin un dokumento di PSB Bank ku ta prueba ku e ta bin na remarke pa un hipotek ku ta kubri e gastunan di e kas i gastunan di notario.

Dokumentonan nesesario:
Pa apliká pa un kas di e proyekto ‘Bo kas na bo Midí!’ interesadonan mester trese:
• Kopia di sédula bálido
• Muestra di salario di e último dos lunanan
• Deklarashon di Kadaster ku ta indiká ku e no tin mas bien inmóbil manera kas òf tereno
• Dokumento di PSB Bank ku ta prueba ku interesado ta bin na remarke pa un hipotek i su entrada ta kuadra ku e kondishon stipulá

Ta importante pa menshoná ku personanan ku a inskribí pa tereno di gobièrnu promé ku 1 di òktober 2016 i ku ta riba lista di espera di Domeinbeheer pa tereno di gobièrnu, tin preferensha pa bin na remarke pa un di e kasnan.

Proseso di aplikashon
Ta pidi tur persona ku ta kumpli ku e kriterionan i ku ta interesá den un kas, pa pasa na Domeinbeheer ku e dokumentonan menshoná te ku dia 30 di novèmber pa yena e formulario konserní. Tene na kuenta ku Domeinbeheer ta enkargá solamente ku e preselekshon di kandidatonan ku ta bin na remarke pa un kas di e proyekto. E preselekshon ta basá riba e kriterionan anteriormente menshoná. Na momentu ku finalisá e preselekshon, e desaroyadó di e proyekto ku ta enkargá ku benta di kas na e kandidatonan preselektá lo kontinuá e proseso dor di inisiá e proseso di benta.

Kontenido di proyekto
E proyekto ˈBo kas na bo Midí!ˈ na Sapaté ta konsistí inisialmente di 25 kasnan pagabel. E kas tin un kamber, un baño, pasashi (gang), sala i komedor/ kushina. E kasnan aki ta brinda e posibilidat pa ekspandé ku dos kamber, un pasashi i un baño mas. Ora e kumpradó kumpra e kas, e ta risibié ku e fundeshi di e kas kompletu, pues ku e fundeshi kla pa ekspanshon, i ku e pèrmit nesesario (bouwvergunning) pa sigui ku konstrukshon di e kas segun forsa i deseo personal.

Tin dos tipo di kas ku ta diferensiá a base di e grandura di e kambernan. Den e skema por tuma nota di e preis pa e kasnan, inkluso O.B. i e fundeshi kompletu, i tambe e dos diferente tamaño inisial ku e kasnan tin.

Nòmber di kas Preis Tamaño
inisial Ekspanshon posibel ku:
Felisidat Fl. 97.608 (inkl. OB) 51 m2 33 m2
Alegria Fl. 100.915 (inkl. OB) 55 m2 33 m2

Pa mas informashon por tuma kontakto ku Domeinbeheer na 0800-1919.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.