Orashon djabièrnè 21 di òktober 2016

Henter mundu ta di Dios ku tur loke ta den dje, tera ku tur hende ku ta biba riba dje. T’É a sigur’é den korientenan di awa. Ken lo por subi seru di SEÑOR? Ken lo keda na e lugá sagrado? Esun ku ta limpi den su obra i pensamentu, esun ku no ta loko tra’i fandanganan di mundu i ku no sa hura falsu tampoko. Bendishon di SEÑOR ta pa un hende asina, Dios, su Salbador, lo dun’é su derecho. Sorto di hendenan asina ta buska SEÑOR, ta buska bo Kara, o Dios di Yakob! O portanan, hisa kabes; alsa boso, portalnan antiguo, pa Rei di gloria por drenta. Ta ken e Rei di gloria ta? Ta SEÑOR, Esun fuerte i balente, SEÑOR, triunfante den bataya! O portanan, hisa kabes; alsa boso, portalnan antiguo, pa Rei di gloria por drenta. Ta ken e Rei di gloria ta? Esei ta SEÑOR di universo. T’É ta Rei di gloria!
Salmo 24:1‭-‬10 

This site uses Akismet to reduce spam. Learn how your comment data is processed.

error: Content is protected !!
%d bloggers like this: