Viktoria pa Pichingolo Nissan i Sta Rosa Angels Vanddis den liga CSB/MCB

Viktoria pa Pichingolo Nissan i Sta Rosa Angels Vanddis den liga CSB/MCB

Djawebs 13 oktober 2016 tabatin 2 wega balido pa femenino AA. Den e prome wega e ekipo di Santa Rosa Angels Vanddis i Eagles Softex a enfrenta otro. Santa Rosa Angels Vanddis a nokout e ekipo di Eagles Softex ku score di 10 pa 0. Pa Santa Rosa Angels Vanddis 10 kareda 8 hit i 2 eror. Picher ganador pa Santa Rosa Angels Vanddis Lyuska v/h Kruis. Miho bate pa Strosa tabata Lyuska v/h Kruis i Jandely Ricardo di 2-2.
Pa Eagles Softex 0 kareda 1 hit i 3 eror. Picher perdedo pa Eagles Softex a resulta Nashaira Bernardus. Miho bate pa Eagles Softex a resulta Susmailine Rifaela di 2-2..
Den e di dos wega Pichingolo Nissan ta nokout Vipers ku skor di 16 pa 6. Pa Pichingolo 16 kareda, 13 hit i 1 eror.Picher ganador a resulta Chantal Nepumucemo. Miho bate tabata Anais Piar i Genevieve Hariquez di 3-3. Pa Vipers 6 kareda 6 hit i 3 eror, picher perdedo a resulta Lysandra Ursulita i na bate a resulta Misaina Martis di 2-2.
Djabierne 14 oktober tin weganan na Buena vista Bp i tambe na Post 6. Na Buenavista den femenino klasse A, 19:00 Youngstars taketu bai enbuska di nan prome viktoria pa e temporada aki i e biaha aki nan ta Sali contra Nos Tei Office Supply. Den di dos wega kuta un wega den maskulino lo bai entre Demolation i Suffisant Eagles.
Na Post 6 tambe tin 2 wega djabierne 14 oktober, 19:00 den femenino klasse A ta bai entre Soto CMTC i Demolation Cartel N.V.
I después 21:00den maskulino e equipo di Klasse Aparte ta Sali kontra e fuerte equipo di Demolation .