A.M. kondená pa violashon

A.M. kondená pa violashon di menor

E hòmber A.M. tabata invitá muchanan hòmber ku tabata biba den su bario, pa bai serka dje na kas, bou di e preteksto ku nan por hunga ‘Play Station’ serka dje.

Ora ku e muchanan tabata serka dje, e tabata kometé aktonan inmoral ku nan. E tabata mishi ku nan i ranka nan pone nan sinta riba su penis.

Di yanüari 2012 pa ougùstùs 2013 i despues di yanüari 2015 pa yüni 2015 e hòmber aki a hasi su mes kulpabel di entre otro violashon di un hobensito. Un di e viktimanan a notifiká un persona, ku na su turno a hasi denunsia di e kaso na polis.
Komo ta trata di hobensitonan, pues muchanan hòmber di menor di edat, fiskal a konsiderá e hechonan di gravedat. Alabes ta trata di hobensitonan ku ta konosí di e akusado.
Akto di violashon i akto di inmoralidat a keda probá.

Fiskal a pidi un demanda di 4 aña di kastigu di kual 1 aña kondishonal ku supervishon di Reclassering.
Abogado defensor a pidi wes pa tene kuenta ku pasado di e akusado, for di kual por dedusí ku e akusado no ta kompletamente responsabel pa su aktonan. Temporada ku A.M. tabata na Jamaica e tabata konfrontá problema pa motibu ku e tabata kita paña interior (pènti) di damanan for di waya i tabata bisti esaki nan.

Wes tabata di akuerdo ku e akusashon di violashon di un menor di edat a keda probá. Akusashon di aktonan inmoral (mishi ku un menor di edat) tambe a keda probá. 
Wes a dikta sentensia i a kondená e akusado A.M. na un kastigu di 3 aña di prizòn di kual 1 aña kondishonal ku supervishon di Reclassering.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: