SELIKOR TA KONKLUÍ E DI DOS FASE DI TRABOUNAN DI LIMPIESA DEN BARIO

SELIKOR TA KONKLUÍ E DI DOS FASE DI TRABOUNAN DI LIMPIESA DEN BARIO

E trabounan di limpiesa riba kamindanan prinsipal i den barionan den e di dos fase a kuminsá den luna di ougùstùs. A dividí e di dos fase den 59 área i den òktober a finalisá ku e trabounan di limpiesa den barionan manera:
Groot Kwartier, Emmastad, Sunset Heights, Kanga i Dein, Maripampoen, Steenrijk, Dominguito, Koraal Specht, Salina Harbour View, Janwe, Bottelier, Toni Kunchi, Zeelandia, Groot Davelaar, Biesheuvel, Mahaai, Jongbloed, Bonam, Sta. Catharina, Ronde Klip. Pareu ku e trabounan di limpiesa i kamindanan prinsipal a limpia e sitionan kaminda ta deshasí di shushi ilegal den e barionan aki.

E di dos fase a produsí un total di 229.400 kilo di shushi. Un kantidat di kasi 255 persona di diferente kontratista a hasi e trabou inkluí personanan via intermediashon di Unidat di Bario ku a haña trabou den e di dos fase. E gastunan total di e trabounan pa ku e fase dos a suma mas o ménos 812.900 florin.

Den e di tres fase e barionan pariba di brug lo bini na turno pa e trabounan di limpiesa. Ta e intenshon pa konkluí ku tur e trabounan di limpiesa den bario i kamindanan prinsipal na final di aña 2016.

Un súplika ta bai na tur habitante pa kaminda ta nesesario duna koperashon pa e trabounan di limpiesa kana optimal. Nos ta den e último kuartal di aña, kuminsá ku trabounan pa limpia kurá i tira tur potoshi afó for di awor. No warda te pa fin di aña. Selikor ta publiká e skema pa rekohé potoshi un biaha pa luna grátis den tur korantnan lokal. Fabor di tuma nota riba e dianan ku ta pasa den kada bario. Selikor ta konta ku un i tur su kolaborashon pa di e forma akí yuda mantené Kòrsou liber di shushi. Ta huntu nos ta logr’é.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: