Fundashon Karnaval Banda Abou ta invitá Pueblo di Banda Abou enpartikular i pueblo di Kòrsou engeneral pa partisipa na e KAMINATA

Pa medio di e karta aki, Fundashon Karnaval Banda Abou ta invitá Pueblo di Banda Abou enpartikular i pueblo di Kòrsou engeneral pa partisipa na e KAMINATA den barionan di Banda Abou. Meta di e kaminata akí ta laga nos bishitantenan sera konosí ku nos barionan, den un forma sosial deportivo, hasiendo ehersisio kuidando bo salú.

Si bo ta gran amante di Karnaval, sera bo grupo di famia, amigunan, agrupashon, tim, i bin Banda Abou bin partisipá, bin KANA ku nos poko! Bo kontribushon lo yuda nos rekoudá fondo pa logra nos metanan pa organisá KARNAVAL BANDA ABOU 2017 . Pueblo di Banda Bou FKBB ta konta ku boso!

E kaminata ta tuma lugá
Dia: djadumingu 6 novèmber 2016
Ora: 6or pa 10or
Lugá di salida: Barber Sede di FKBB ( pegá ku edifisio di Roode Kruis Barber)
Final: Sede di FKBB na Barber.
Preis: Nafl 17.50 inkluí un T-Shirt.

Ruta di kaminata: Sali Barber, direkshon di Bou Barber na e hanchi promé ku Kibrahacha Restorant i Minimarket e ruta di 5 KM ta lora rèks i bai sali riba e kaminda di Westpunt i bira na man drechi direkshon Barber i e ruta di 10 KM ta sigui i lora na krusada bai direkshon di Chimi Wakawa i sigui pa Barber i finalisá na nos Sede.
Por kumpra karchi na Sede di FKBB na Barber entre 5or pa 7or pm. Na 4th of July snack na Barber. Beep Beep na Rio Canario. Serka miembronan di direktiva. Tambe por Whapp miembronan di direktiva 5118916 (presidente), 5175964 (Vice presidente) 6728884 ( sekretaria) /6935760 (tesorero) pa entrega di karchi o por aserká komisarionan di direktiva FKBB pa kumpra di karchi. Tambe por presentá mei ora promé ku salida dia 6 novèmber i kumpra bo karchi pa partisipá na salida.

Lisette Jansen Mazarella Jansen
Presidente Sekretaria

fundashon-karnaval-banda-bou

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: