Komersiantenan Kubano ta pasa Kòrsou di tránsito i bai shòp merkansia por mayor na Guyana i Sürnam i Panama

cuba-new-merchants

Komersiantenan Kubano ta pasa Kòrsou di tránsito i bai shòp merkansia por mayor na Guyana i Sürnam i Panama

Maneho migratorio no adaptá lo sigui perhudiká nos Zona Liber

Kòrsou, 23 òktober 2016

Den e último dianan di gobernashon ku a sobra lo ta sabio si e gobièrnu aktual introdusí di forma inmediato un maneho ku por permití Kubanonan i tur otro komersiante di otro nashonalidat ku ta rekerí VISA pa drenta nos pais i evitá ku ta sigui bai paisnan den region pa hasi kompra por mayor pa hiba bek nan pais.

Ya pa 1 aña Kubanonan ta pasando aeropuerto Hato di transito pa bai shòp merkansia por mayor pa hiba bek kas, miéntras ku e merkansia ku nan ta kumpra na Guyana òf Sürnam ta sali for di nos propio Zona Liber na Kòrsou.

Nos maneho migratorio mester wòrdu ahustá i ta atento na kambionan regional geo-politiko ku ta trese kune oportunidatnan satisfaktorio pa nos komersio i ekonomia na sierto okashon.

Entrada di divisa ta drentando nos paisnan bisiña miéntras e orígen di merkansia ta na Kòrsou pa medio di nos Zona Liber. Paisnan bisiña ta kumpra serka nos i awe pa motibu ku nos no ta rekonosé ku kambio di aktitut di Merka pa ku Cuba a krea oportunidatnan bek na Cuba, ta permití ku awe importashon di mekanisá pa hasi negoshi bek na Cuba a generá komersiantenan nobo kubano ku ta abastesiendo na tiendanan bek na nan pais.

Sugerensha: eliminashon di VISA pa esnan ku kapasidat di kompra, dunando nan libertat pa drenta 5/6 dia Kòrsou pa shòp den nos Zona Liber i hiba merkansia bek pa nan pais pa nan bende por detal (retail), mester wòrdu introdusí di inmediato pa asina inyektá moveshon den nos Zona Liber (freezone).

Nos ta spera ku sr. Ben Whiteman na nòmber di su Gabinete huntu ku e minister enkargá ku maneho migratorio lo kontesta nos karta entrega ku karakter di urgensia mirando ku ta aplouso so lo por tin na e akshon aki ku por wòrdu introdusí mesora pa benefisiá nos komersio i komersiantenan i trahadónan di Freezone.

Gerrit F. Schotte
Lider di frakshon di MFK
Miembro di Parlamento

zona-franca-curacao

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: