MINISTERIO PUBLIKO TA INFORMA RIBA KASO ” SOFA”

Info OM:
Djabièrnè 28 di òktober Korte ta bai trata un kaso relashoná ku trafikashon di droga miéntras algun ta ser sospechá tambe di prepará maleta ku droga, labamentu di plaka i poseshon di arma di kandela. Durante dos entrada hudisial por ehèmpel a bin konfiská 64.500 florin i 118.500 dòler na plaka kèsh i un Audi A5 Quatro. E kaso a haña e nòmber “sofá”.

Den e kaso aki tin 7 sospechoso será ku djabièrnè tin ku bai responsabilisá nan mes pa e akusashonnan aki. Nan ta e hòmbernan S.H., S.C., S.J.C., G.C., U.A., A.N. i R.B.

Nan ta ser sospechá di tabata envolví den vários trafikashon di droga. Entre otro dianan 4 di mart, 12 aprel, 6 di mei, 5 i 9 di yüni i 12 di ougùstùs 2016. Entre e kasonan ta figurá tambe un kargamentu di kokaina ku a keda diskubrí den un avion na airopuerto Hato rumbo pa Ulanda.