MINISTERIO PUBLIKO TA INFORMA RIBA E KASO KAMINDA A KONFISKA 289 KILO DI COCO I UN JET PRIVA
Info OM:
Relashoná ku e hayasgo mardugá dia 30 di òktober 2016 di 289 kilo di kokaina, un arma di kandela, munishon, un sker pa kòrta heru, muts i hanskun a presentá e sospechosonan awe mainta dilanti un Wes-komisario pa husga e detenshon.
Tur kos a keda husgá bon miéntras ku seguidamente Fiskal di Ministerio Públiko (OM) a ordená nan prolongashon di enkarselashon ku 8 dia.
E sospechosonan ta piloto M.T. (1965) di Turkia, piloto F.P. (1965) di Alemania, K.A. (1963) di Turkia, F.A. (1963) di Turkia i E.J.E.W. (1974) di Kòrsou.
M.T. i E.J.E.W. a keda detené e mardugá na altura di airopuerto Hato ku e droga, arma, munishon, muts i hanskun. Miéntras ku a detené F.P., K.A. i F.A. na airopuerto na momentu ku nan kier a abordá e avion luhoso estilo jet ku mientrastantu tambe a keda konfiská pa Fiskal di Ministerio Públiko.
