TRAICION DI AVP NA 1949 A CONDUCI CU HISTORIA TA BATISA SR,. HENNY EMAN COMO TATA DI E FEDERACION ANTIYANO

BENNY NISBET(PPA):
‘ TRAICION DI AVP NA 1949 A CONDUCI CU HISTORIA TA BATISA SR,. HENNY EMAN COMO TATA DI E FEDERACION ANTIYANO !’

Mientras cu sr. Juan E Irausquin a subi e plataforma pa traha pa progreso real pa su Isla Aruba….isla cu E a stima te na momento cu Todopoderoso a jamele den su reino…!
E lucha di Aruba pa un Aruba autonomo den Reino Hulandes a worde traiciona pa Henny Eman q.e.p.d. Lider di AVP den final di decada cuarenta pa un posicion di ministro anto SIN cartera cu tabata worde occupa pa su jui homber e tempo ey !! Ta e traicion aki cu a ensera cu AVP a aproba e proposicion ‘adapta’ cu Hulanda a manda pa worde ejecuta envez di e rapport van Poelje cu si a hanja acceptacion tanto na Aruba como riba otro isla di e tempo ey ‘Colonia di Corsow’.
E diferencia entre Henny Eman q.e.p.d. y Juan E Irausquin q.e.p.d. riba e proposicion aki tabata uno di principio….Juancho a splica Henny …..Locual Hulanda a manda no ta duna Aruba su deseo pa un posicion autonomo conforme rapport van Poelje etc……Henny a contesta si E no ta cuadra awor nos ta tumele y den futuro nos ta pidi cambio….Juancho a contesta Henny …e Hulandesnan lo bisa nos…..boso a accepta nos proposicion cual nos a interpreta na tal y tal forma y nan no ta bai permiti cambio por lo pronto.
Historia ta duna sr Juan E Irausquin qepd razon….Hulanda a hinca Aruba den un Federacion di Antiyas Neerlandes…algo cu Juan E Irausquin tabata contra ….y Henny Eman door di su traicion a bira e Tata Spiritual di e Antiyas Neerlandes manera nos a conocele pa 34 anja . Juan E Irausquin q.e.p.d. y Fichi Croes q.e.p.d. a bandona partido AVP despues cu e ‘traicion’ aki a cambia tambe e representacion den Staten di Antiyas cu tabata prome cu esey 8 – 8 den 12 – 8 na fabor di Corsow. Algo cu PPA a rechasa for di e prome dia cu esaki a tuma lugar cu cooperacion/traicion di AVP. Basa riba e traicion aki Juan E Irausquin a funda partido PPA basa riba e palabranan ‘PA PUEBLO Y PA LIBERTAD’ !. Na mes momento tabata cla pa Juancho cu despues cu e lucha aki a termina cu e traicion di AVP y e nascemento di un Antiyas Neerlandes cu e islanan cu un Eilandenregeling cu un cierto margen di autonomia …a dirigi su mes na pueblo di Aruba y a splica su posicion.
Aruba lo bai usa e Eilandenregeling/autonomia pa Aruba expande su economia, crea leynan social, inverti den nos Educacion y nos infrastructura den e sentido mas amplio di e palabra ….y asina hiza e nivel di bida di e pueblo di Aruba den e decada 1950/1960 y PPA a presenta su ‘plan di Diez anja’. Tur e trabaonan aki segun e descurso di sr. Juan Irausquin lo tin un solo meta pa prepara Aruba pa e proximo vez cu lo tin un discussion y desaroyo estatal pa asina Aruba continua pa su lucha pa un autonomia hopi mas amplio e asina jama Status Aparte. Tambe sr. Juan E Irausquin q.e.p.d. a anuncia cu e plannan pa cu turismo tin di haber cu un dia LAGO OIL & TRANSPORT COMPANY lo por sera su portanan y nos pueblo mester tin un otro pilar pa por sobrevivi. Juancho a worde hari pa Lidernan di AVP tanto pa su inversion den Hotelnan ….cu nan a declara cu ‘kabrito di Noord lo bai drumi den’ como cu segun nan jamas LAGO lo por sera su portanan…..Awe pueblo a biba e tempo cu Juan E Irausquin a visiona y kada un di nos pueblo apesar cu nos ta algun generacion despues por huzga ta kwa partido esta PPA y kwa Lider esta Juan E Irausquin su vision tabata correcto……ta esaki historia di Aruba ta prescribi…!
Historia ta indica cu sr. Juan E Irausquin y majoria di e 2000 ciudadano cu a firma e carta na 1948 y cu a worde traiciona door di AVP y a bira fundadornan y sostenedornan di partido PPA a cambia e semblante di Aruba. E plan di diez anja…a inicia cu locual ta conoci como nos Industria di Turismo….a crea pensioen pa nos grandinan y onderstand pa esnan den necesidad…a inverti y construe un 30 scol rond di Aruba …a inverti den un planta nobo di WEB cu a duna pueblo awa y corriente den tur skina di Aruba ….a inverti den un aeropuerto moderno pa nos pueblo a crea majoria caretera grandi riba nos Isla.
Ta e trabaonan di PPA bao guia di sr. Juan E Irausquin q.e.p.d. a prepara Aruba pa e momento den historia cu Juancho a referi na djele….e momento cu Corsow a worde kima cu a conduci na e discussion nobo riba futuro estatal di e Islanan.
Pero entodo caso Historia ta hopi cla….y ta pesey ora esfuerzo ta worde hasi pa cambia historia di Aruba…..NADA NO POR CAMBIA……JUAN E IRAUSQUIN SU NOMBER TA SCIRBI CU LETTERNAN DI ORO DEN HISTORIA DI PAIS ARUBA.
1. AVP bao guia di Henny Eman a ‘traiciona’ e lucha di pueblo y consecuentemente Henny Eman a bira TATA di e FEDERACION ANTIYANO…..y Corsow a hanja 12 asiento y Aruba a keda cu 8 asiento…..un situacion cu JAMAS sr. Juan E Irausquin a accepta.
2. Pesey Juan E Irausquin a funda PPA….bao di e palabranan ‘PA PUEBLO Y PA LIBERTAD’ algo cu Juan Irausquin a dedica su mes na prepara nos isla Aruba pa e momento den futuro di nos Isla.

E contribuiccion di sr., Juan E Irausquin y su partido PPA ta grandi den historia Estatal, Economico di nos Isla. Juancho a muri na momento cu E tabata occupa e posicion di Ministro di Finanzas y Fomento di Antiyas Neerlandes. E a bai den historia como e FUNDADOR DI NOS TURISMO Y TATA DI ECONOMIA y cambionan hopi positivo riba tereno social y educacional….te awe su contribuicion positivo ta worde sinti pa TUR cu kier ta honesto cu nan mes. No ta por nada cu E tabata e prome arubiano cu a worde batisa cu e nomber ‘sirbidor di pueblo’ y estadista arubiano.

PPA ta recorda e contribuiccion di nos fundador di partido PPA sr. Juan E Irausquin q.p.e.d pa semper…..Su nomber ta skirbi cu letternan di oro dentro di historia di Aruba ! Y esfuerzonan p/m di grito solitario pa purba cambia historia simpelmente lo NO por kita e nomber di sr. Juan E. Irausquin q.ep.d. for di historia di Aruba …ta JUANCHO a duna Aruba progreso y ta JUANCHO a prepara Aruba pa e momento den historia cu e proceso estatal lo por a continua pa Aruba hanja su deseo.

Aruba, 13 di maart 2017 Lider Politico di PPA
BENNY NISBET