Pronostiko di tempu pa Kòrsou i bisindario bálido te djáweps atardi 18:00 o.l., 3 di novèmber 2016.
Pronóstiko
Pronostiko di tempu pa Kòrsou i bisindario bálido te djáweps atardi 18:00 o.l., 3 di novèmber 2016.
Kompilá: Djárason 2 di novèmber 2016, 17:00 o.l. (21:00UTC).
KÓDIGO HEL: ÁWASERU FUERTE POR KOUSA LOKALMENTE SIERTO MOLÈSTER.
KÓDIGO HEL: MESTER TENE KUENTA KU LAMAN UN TIKI BRUTU NA NOS KOSTANAN WÈST AWE NOCHI I DJAWEPS.
Tempu: Por lo general parsialmente nublá i lokalmente lo kai algun áwaseru, ku posibilidat pa bos zona na sierto momentu. E áwaseru por ta fuerte na algun kaminda.
Temperatura máksimo lo alkansá 32°C. i temperatura mínimo 25̊C.
Solo ta sali 06:29 i ta baha 18:10. o.l.
Bientu: Por lo general for di direkshon wèst i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den dia òf den áwaseru, de bes en kuando basta fuerte; forsa 5 (31 te 39 km/ora, 17 te 21 nudo).
Situashon general: Un disturbio riba parti ost i sentral di Área di Karibe huntu ku un área di preshon abou lo kousa temporalmente formashon di mas nubia riba nos region. Lokalmente lo kai algun áwaseru i algun di nan por ta fuerte. Esei por kousa un tiki molèster na e lugánan di kustumber. E área di preshon abou lo kousa bientu djabou mañan tambe ainda.
Kondishon di laman: Por lo general trankil ku altura di olanan di 1 meter (3 pia) òf ménos. Pa motibu di e bientu for di direkshon wèst, laman awe i mañan lo ta un tiki brutu na nos kostanan wèst ku altura di ola te no mas ku 1.5 meter (5 pia).Ta pidi usuarionan di laman pa tene kuenta ku esaki i no bai leu for di kantu.
Sistemanan signifikante di wer tropikal: Ningun.
Fenómeno spesial: Ningun.
Perspektiva te djabièrnè atardi: Por lo general parsialmente nublá i lokalmente lo kai algun áwaseru. Bientu lo bira gradualmente ost bèk i lo oumentá un tiki.
Meteorólogo: Capello.
E próksimo boletin di tempu lo wòrdu publiká djaweps 05:00 o.l. (09:00 UTC).
