Raport di polis di Aruba djadumingo 6 nov 2016

Durante un kontrol di segurida, agentenn polisial a mira 3 hòmber pará dilanti Riu Palace kantu di un Chevrolet Aveo kòrá, numerá A-24878.
Den saku di karson di un dje hòmbernan di inisial J.L. a haña un sakito di plèstik transparente ku algu paresido na Marihuana i un mulina bèrdè. Tambe e tabatin un mulina pretu, poko mas grandi.
A konfiská tur esakinan.
Den e outo mes no a haña nada.  Na un distansha poko mas aleu for di e outo a bin hanja un sigaria ku tabata parse Marihuana. A bai ku esaki tambe.
E otro hòmbernan a resultá di ta un tal  J.K i J.B.
A pone WCDT na altura dje kaso.
=
=======================
           DETENSHON.
Dia 6 di november último, agentenan polisial uniformá a tuma parti den un akshon di kontròl preventivo den zona 1 i 2.
Hues-Komisario, mr Yarzagaray a duna òrdu konforme artíkulo 12, organo 2, artíkulo 13,órgano 2i artíkulo 14, órgano 2 di regulashon di arma di kandela.
Riba e fecha ey, pa banda di 02:30 a bin bota riba e lugá di stashoná outo, na altura di antes “nightclub Confession”, un hòmber ku despues a bin resultá di ta un tal G.D.
E pèrsona aki huntu ku 2 otro hòmberku tabata pará na e outo blanku Mitsubishi Legnum, numerá A-41374, a wòrdu kontrolá i no a hja nada.
Segun deklarashon di G.D. e outo ariba menshoná ta na dj’é. A listra nan pañanan i den e outo a bin haña un sakito di plèstik ku un yerba, paresido na Marihuana.
A bai ku esakinan pa mas investigashon.
Pa e hecho ariba menshoná a detené G.D., sospechá di a viola ley. Pa despues hib’é dilanti outoridatnan konserní.
=
=======================
   KONTRÒL DI SEGURIDAT.
Durante un kontròl di seguridat, patruya di Nort a nota un hòmber sintá riba un motorsaikel  pretu di e marka Sigma max 125cc, numerá MFA 2068.
E tabata enkontrá su mes na parti wèst di e lugar di stashoná outo di Mc. Fonald, Palm Beach, hasiendo uzo di un telefòn mobíl.
Den un kompartimentu di e motorsaikel a bin topa un mulina pretu ku un kantidat chikitu di yerba paresido na Marihuana den dj’e.
E  pertenensianan aki a wòrdu konfiská.
W.C.D.T. a wòrdu poné na altura di e kaso.
=
=======================
KONFISKASHON DI DROGA.
Dia 6 di november 2016,
Durante kontròl, patruya di Nort a kontrolá 4 mucha homber, i un Toyota Hillux blanku, konforme ley.
Den e outo
Patruya a bin topa, 1 sakito, konteniendo 1gram di Marihuana, 1mulina pretu di e marka “Wise Guys”, 1 paki di papel pa traha sigaria di e marka “smoking” i un mashin pa lora sigaria di e marka “Raw”.
E artíkulonan aki tabata den poder di e hòmber W.B.L.
A traha un prosès verbál.
=
=======================
  PÈRSONA SOSPECHOSO
A dirigí. C.P. na un kas na Sabana Grandi, kaminda habitantenan lo a mira un pèrsona sospechoso.
Na e sitio polisnan a bin topa un hòmber a deklará ku é ta un bisiña.
Mas despues e hòmber a sigui bisa ku ta un pushi lo tabatin bou di e vehíkulo. I ku e pushi aki lo tabata keda yora i asina strob’é di drumi.
Un otro bisiña tambe a konfirmá esaki.
Pa e bisendario haña un tiki trankilidat, esun bisiña lo a laga un otro saka e pushi for di den e motor di e auto.
E hòmber a logra saka e pushi for di den outo i a bai kas kun’é.
S.C.P. a wòrdu poné na altura di e kaso.
=
=======================
       SEÑORA TA KAI.
A dirigí patruya na un kas na Curá Cabai, kaminda lo tabatin un señora ta gritando pa yudansa.
Na e sitio a sali na klá ku tabata un señora di 85 aña di edat di e nòmber E.
E tin un hèndikèp, i apenas e por a move kubun ” rèki pa kana”.
E ta bjba su só.
El a bisa ku ta balansa lo el a pèrdè i a kai na suela.
El a sigui bisa ku el a kuminsa pidi yudansa na bos altu, pero ku ningun bisiña no a skuchele.
Dor di esaki el a disidí di yama polis.
E tabata keha di dolor na hep.
A pidi asistensia di ambulans.
Pèrsonal di ambulans a yega na e sitio i a disidí pa transportá e señora pa e Sentro Médiko pa kontrolá.
ANOTASHON: Durante ku tabata en espera di yegada di ambulans, e señora E, a purba diferente biá na haña kontakto ku su yu hòmber.
   Despues a purba komuniká ku amiga di su yu hòmber, esaki a kontestá, pero a puntra dikón e ta yama i ku e ta molesti’é.
I tambe a bisa ku e yu hòmber lo no tabata na kas.
E a sigui deklará ku tambe e tin jn yu muhé, pero ku esaki no ta papia ku e mama. Polisnan mes a purba drenta kontakto ku e yu hòmber i e amiga, pero sin resultado faborabel.
Durante tratamentu di e kaso , polisnan a mota ku E ta presentá síntománan di alzheimer.
E kondishon bou di kuá E tabata biba tabata parse hopi deplorabel.
E kas tabata tur na stòf i e lakennan di kama tabata parse di tabatin hopi ratu sin  a wòrdu kambiá.
Su baño tampoko no tabata instalá apropiá na e nesesidatnan dibun pèrsona ku hèndikèp.
Riba pregunta di e polisnan na E; Ken ta kushiná p’e,
El a kontestá ku ta su yu hòmber òf su bisiña kubta biba na parti suit di su kas, lo tabata trese kuminda pe de bes en kuando.
C.P i komandante di warda a wòrdu poné na altura di e situashon.
=
=======================
        DETENSHON
Durante kontròl di un patruya di Nort, na altura di Olde Molen a mira un hòmber deskonosí ki tabata kanando meimei riba kayav
P’e motibu aki a bai pa kontrolá r hòmber aki.
A konstatá ku e hòmber tabata fuertemente bou di influensia di  bibida alkoholiko.
A hiba e hòmber aki warda di polis.
El a wòrdu dirigí na H.O.v.J, kaminda lo e keda te ora ku e por rasoná.
=
=======================
      PARTISIPASHON
Via telefòn  a drenta un informashon ku dilanti di Li Feng Supermarket, un vagabundo lo a kaba di hòrta e lusnan parti patras di un pikòp blanku di 1kabina.
E vagabundo tin  un kolor di kueru bruin klá, dibun postura delegá. E tin barba. I tabata bistí ku un kamisa blou i a kore bai riba un baiskel kòrá i blanku. E lo a kore bai den direkshon di sentro di Oranjestad.
C.P a wòrdu poné na altura di e kaso.
Patruya a kuminsá un búskeda den bisendario.
=
=======================
        LADRONISIA
E hòmber H.P. a presentá na warda di polis pa hasi denunsia di ladronisia for di den su outo kantu di kosta na parti Nort di e faro di California.
Esaki a tuma lugá entre 16:00 i 17:00
=
=======================

POLIS ARUBA

This site uses Akismet to reduce spam. Learn how your comment data is processed.

%d bloggers like this: