KOMUNIKADO DI KUERPO POLISIAL KÒRSOU Tópiko: Kontròl di tráfiko.

KOMUNIKADO DI KUERPO POLISIAL KÒRSOU
no.: 385 / 2016
Fecha: 9 novèmber 2016
Tópiko: Kontròl di tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Djárason 9 di novèmber 2016, entre 08.30 ‘or pa 11.30 ‘or “Hit Team” konhuntamente ku agentenan den formashon a tene kontrol di tráfiko dirigié riba transporte públiko riba Schottegatweg wèst na altura di Retonde Hariri i na Berg Altena / Plasa Oracio Royer na altura di Radio Hoyer. Durante di e kontrolnan aki polis a kontrolá 98 Bus di kual 1 bus i 2 otro vehíkulo a ser transportá ku kran pa kura.

Durante kontrol polis a detené 28 persona ku no tabatin identifikashon válido huntu ku nan i a keda transportá pa imigrashon den kual 15 no tabata tin nan dokumentonan na òrdu pa permanesé riba nos isla.

Un total di 38 prosès verbal a wòrdu partí pa e siguiente infrakshonnan:

Kore ku glas skur i òf kualkier opheto pega na e glasnan dilanti 06
Kore sin karchi di kùr válido 03
Kore sin reibeweis válido 06
Kore sin seguro válido 04
Kore sin plachi number dilanti 01
Kore sin plachi number patras 01
pa shofùrnan ku no tabatin lista di preis pega den nan Bus. 17

Kontrolnan lo kontinuá