Departamentu di salubridat públiko ta inisiá fumigashon pa kombatí Zika

Departamentu di salubridat públiko ta inisiá fumigashon pa kombatí Zika

Kralendijk – Departamentu di salubridat públiko di gobièrnu di Boneiru awe ta kuminsá fumigashon den e barionan kontra di sangura ku por transmití e malesanan dengue chikungunya i zika.
E departamentu a konstatá un oumento den e kantidat di sangurana i manera a informá kaba tin un oumento den kasonan di zika na Boneiru.
Sekshon di Vektor Kontrol ta kuminsá ku e fumigashon den bario di Antriol i e sentro di siudat despues ta sigui pa Nikiboko, Tera Kora, hato, Nort Saliña, Republiek, , Belnem i Rincón. Un pick-up lo pasa entre 6’or i 9’or di anochi ku e mashin di fumigashon den bo kaya. Den sentro di siudat e pick-up ta pasa parti mainta entre 5’or i 7’or. Un petishon ta bai na tur habitante pa tene bentana i portanan habrí ora ku esaki ta pasando. Di e manera aki por mata e sanguranan tambe ku ta den kas.
Un súplika di parti di gobièrnu ta bai pa tur habitante kontrolá nan kurá riba tur artefakto ku por fangu òf konten’é awa i eliminá esakinan pa evitá lugánan di brui di sangura. Huntu nos por sigui tene Boneiru limpi i salú.

gobi-bon

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: