Aruba: noticia di polis di diamars 8 di november 2016

ASISTENSIA NA PÈRSONA                MALU.
SCP a dirigí patruya di O’stad na altura di Donja Clara, kaminda e konosido señora Gina Quandt ta drumi. Segun informashon di SCP, Gina lo a yama AC diferente biaha pa yudansa médiko.
Trempan den anochi, ambulans a bai na e sitio, pero Gina no a koperá.
Na e sitio, Gina tabata keha di hopi dolor na su nirnan.
Ambulans a transportá Gina ku urgensia pa departamentu di emergensia.
SCP a wòrdu poné na altura.
=
=======================
    KIEBRO NA BIBIENDA.
SCP a dirigi patruya na Pos Chiquito, pa un kaso di kiebro.
Yegando na e sitio, polisnan a papia ku e habitante di e kas, e hòmber di nòmber J.
El a deklará ku riba 7 november 2016, pa  banda di 21:30, el a bai drumi. Ela sera e porta di patio na banda suit di e kas, bon na yabi.
Riba 8 november 2016, pa  banda di 00:00, el a spierta i mira ku e porta ariba menshoná tabata habrí.
El a bai pa kontrolá den e patio. El a ripará e ora ey, ku deskonosí(nan), lo a bai ku algun propiedat.
A tuma denunsia i pone SCP na altura dje situashon.
Partikularidat: Propiedatnan ku a bai kun’é:
– un djèk pa outo kolor kòrá
-un èmer di fèrf blanku di 5 galòn
-un tas pa pone eis.
=
=======================
            “JOYRIDING”
Riba 8 nov 2016 pa banda di 08:00 a yega na warda di polis, un señora di nòmber F,
pa hasi denunsia tokante robo di su outo.
E outo, un Hyundai Getz, di kolor beige i numerá A-30563.
A bai ku e outo for di e kas na San Barbola 249.
A tuma denunsia.
=
=======================
                 ROBO
CP a dirigí patruya na O’stad na Grand Ocean Minimarket.
Na e sitio, polisnan a papia ku e propietario di e negoshi,di nòmber C, kende a konta polisnan ku 2 hòmber deskonosí a drenta e negoshi en kuestion.
Un di e hòmbernan tabatin un arma di kandela huntu kun’é, i e otro a kohe e kasa.
I ámbos a kore bai den direkshon wèst.
Un di e hòmbernan tabatin un Tshirt blou i un djins blou klá.
E otro tabatin un “bodyshirt” kòrá i un djins blou klá i un pèchi blanku bistí.
Deklarashonnan a wòrdu tumá i “tim di atrako”, a wòrdu poné na altura, i nan a yega na e sitio.
CP a wòrdu poné na altura di e kaso.
=
=======================
PROBABEL “SCAM-BRIEF”
Riba 8 november a yega na warda di polis, un señora di nòmber M en konekshon di un situashon sospechoso.
M ta deklará ku el a risibí un karta di fraude (SCAM).
E sra ta sigui bisa ku el a nota ku riba e karta tabatin 3 stampia di suit Afrika. Pero tambe tabatin un stèmpel di ost London. E outor di e karta ta un tal Henry Baloi.
A bisa M pa no suministrá dato pèrsonal o di banko na e persona en kuestion Henry Baloi.
Komandante na warda, a wordu poné na altura dje kaso.
=
=======================
           LADRONISIA
SCP a dirigí patruya di
O’ stad na un skol preparatorio na O’stad, pa un kaso di ladronisia
Na e sitio polisnan a papia ku e maestra ku a deklará ku deskonosí( nan), lo a bai ku su tas for di e banki di dilanti.
Patruya a tuma e deklarashonnan nesesario i e denunsia.
Probablemente lo ta muchanan o mayornan ku tabata den bisendario.
SCP a wòrdu poné na altura.
=
=======================
          DETENSHON
Riba 8november 2016, pa banda di 14:45, un kolega polis a pone otro kolega na altura , ku el a kaba di mira e bon konosí pa polis, AC Brown, ku a manda un pida blòki riba e vitrina na banda ost di Burger King.
E agente polisial a kana bai Burger King i a mira ku e kozein di aluminio di e bentana na parti ost di e edifisio a haña daño.
E bentana tabata kasi kompletamente destruí.
En konekshon ku esaki, e agente a detené AC Brown, ku tabata sintá riba e banki di e parada di bùs dilanti di warda di polis na San Nicolas, konforme artikulo 2:334 di e buki di Ley di Aruba.
E sospechoso a wordu hibá na warda di polis na San Nicolas.
DAR3 (Reshèrshe SN), a wòrdu poné na altura di e suseso, pa mas investigashon.
=
=======================
                  ROBO
SCP a dirigí patruya na e negoshi “FANTASEA”, situá na LG Smith Boulevard den Royal Plaza Mall, en konekshon ku un kaso di robo.
Na e sitio polisnan a papia ku e mènedjer di nòmber S.
El a deklará ku un hòmber a drenta e negoshi.
El a mira e hòmber ta kana rònt i wak diferente paña.
Na un dado momento el a mira e hòmber sali bai ku un kahita den su man.
E alarma na porta no a aktivá. Ta p’sey S a pensa ku  e lo no a bai ku mèrkansia.
Ora ku el a bai wak den rèki, el a ripará ku e hòmber lo a bai ku 2 karson kòrtiku di e marka “Quick Silva”.
Evidentemente e hòmber lo a pone e 2 karsonnan den e kaha i sali bai kuné.
=
=======================

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: