Lus di Palu di Pasku

Si resientemente bo tabata na Sambil, lo bo por a ripará kaba ku nos ya yegando den e parti final di 2016. Gradualmente e dekorashonnan di fin di aña, ku énfasis riba e fiesta di Pasku, ta oumentando. Tur esaki ta kontribuí grandemente na krea e ambiente asina spesial di fin di aña i konsekuentemente na e ambiente na Sambil mes tambe. Mas ku klaro ku mas i mas famia ta disidí pa pasa dushi ora den Sambil – pa hasi kompra pa e fiesta di San Nikolas, pronto tambe pa Black Friday, pero ademas pa Pasku i kambio di aña. Nan ta bin kome pasobra tin pa smak di kada ken algu den Food Court di Sambil. I na Kiddi’s Park ta entretené e muchanan, miéntras esnan mas grandi ta pasa ratunan agradabel den Cinemark ku e pelíkulanan di aktualidat. De todo un poko – sufisiente pa pasa gran parti di dia sigur.
 
Sigur un momento kulminante lo ta ora na Sambil nan ta bai sende lus den e palu gigantesko di Pasku. Esei ta tuma lugá djaweps dia 17 di novèmber awor 7 or di anochi.
Bal la pena pa bin kubri e evento aki, pero bini tambe ku famia pa pasa un tremendo anochi den Sambil. Bosnan di prensa naturalmente ta kordialmente invitá pa gerensia di Sambil pa presensiá e momento mágiko ora e lusnan den e palu di Pasku kuminsá bria i lusi mente di nos tur.
 
Bon biní. Saludo,