DIGICEL A SAKA GANADOR DI PROMOSHO  ‘BAI LATIN GRAMMY’ KU D’MUSIC

​Pabien na Remanuel Alves: Digicel a saka ganador di promoshon  ‘Bai Latin Grammy’ ku d’Music 

WILLEMSTAD: Despues ku Digicel a lansa e aplikashon pa stream músika den algun di su merkadonan den Caribe, mesora su tras a lansa e promoshon den kual 6 usuario lo tin chèns di eksperensiá Latin Music Gala na Las Vegas, dia 17 di novèmber próksimo.  
Dor di simplemente download e aplikashon d’Music i skucha nan kansionnan faborito riba e lista musikal di Las Vegas, 6 kliente tabata tin chèns di gana un eksperensia VIP pa 2 persona na e kapital di entretenimentu di mundu- un pakete ku ta inkluí pasashi ida i buèlta pa Las Vegas, estadia di 3 anochi den un hotèl 5 strea, entrada pa Latin Grammy Gala, transportashon den limousine pa e evento i akseso VIP pa e after-party.
E aplikashon ku ya kaba a keda introdusí na Kòrsou, Bermuda, El Salvador i Panamá, d’Music ta proveé usuarionan di Digicel ku akseso na un lista musikal ilimitá di mas ku 25 mion kansion di tur género musikal- tambe esun di mas nobo riba plataforma lokal i regional- tur esaki riba nan smartphones. “Nos ta kontentu di por ofresé nos klientenan un regalo musikal i di por a duna nan un chèns di gana un eksperensia VIP ”, esaki di akuerdo ku Head of Marketing di Digicel, Shayenne Rock. “Ta pa nos un oportunidat úniko di por djòin kasnan di produkshon i distribuidornan mundial pa trese músika na nos klientenan, d’Music tei pa ofresé nos klientenan e mihó eksperensia digital i akseso na loke nan gusta. E promoshon a resultá un gran éksito pa nos merkado i ta sigur ku uso di e aplikashon lo sigui krese durante di e próksimo tempunan. ”
Aki na Kòrsou, Remanuel Alves a resultá e ganador. E’la stream numeroso biaha riba e lista musikal ku d’Music tin pa ofresé. E lo biaha dia 17 di novèmber próksimo pa Las Vegas huntu ku un persona mas pa eksperensiá Latin Music Gala- tur gastu kubrí dor di Digicel. 
E aplikashon d’Music ta eksklusivamente pa klientenan di Digicel ku un All-One-Plan i ta optenibel pa download for di Google Play Store, Apple Store i online http://www.digicelmusic.com 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: