KOMUNIKADO DI KUERPO POLISIAL KÒRSOU Tópiko: Detenshon pa kaso di atrako.

KOMUNIKADO DI KUERPO POLISIAL KÒRSOU
no.: 404 /2016
Fecha: 19 novèmber 2016
Tópiko: Detenshon pa kaso di atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

________________________________________

Kontinuando ku un investigashon relashoná ku un atrako ku a tuma lugá dia 16 di novèmber 2016 na un mini market riba St. Kittsweg polis a hasi un detenshon.
Djasabra 19 di novèmber 2016, alrededor di 10.40 or di mainta polis a detené e hòmber sospechoso R.Z.H. nasé na Kòrsou, di 20 aña di edat. Detenshon di e sospechoso a tuma lugá riba Brionplein.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.