KUERPO POLISIAL KÒRSOU 

KOMUNIKADO DI PRENSA

340/2026

4 òktober 2026 

Maltrato ku arma ku detenshon 

Djasabra 3 di òktober 2026 alrededor di 03.16’or, Sentral di Polis a risibí  yamada ku na un adrès riba Cubaweg na altura di un Bar Restorant, un  dama a risibí hinká na altura di su brasa. 

Na yegada di e unidat, el a konstatá ku dos dama i un hòmber tabata heridá. Esaki posiblemente debí na un problema ku tabatin entre nan. 

Mesora polis a hasi detenshon di e trio. 

Ta trata di e damanan N.N.R.T. di 25 aña di edat i Y.T.T. di 21 aña di edat,  ámbos nasé na Repúblika Dominicana, i e hòmber H.A.M. di 55 aña di  edat nasé na Kòrsou. 

A presentá e sospechosonan dilanti di un fiskal ouksiliar. 

Despues di interogashon e hòmber H.A.M. i e dama N.N.R.T. a keda  enkarselá, pendiente di mas investigashon.