{𝐇𝐔𝐑𝐀𝐌𝐄𝐍𝐓𝐀𝐒𝐇𝐎𝐍 𝐊𝐎𝐌𝐎 𝐏𝐎𝐋𝐈𝐒 𝐎𝐔𝐊𝐒𝐈𝐋𝐈𝐀𝐑}

Ayera a tuma lugá huramentashon di dos persona komo Polis Ouksiliar (Buitengewoon Agent van Politie), ku ta representá un paso importante den fortalesementu di kolaborashon i kapasidat den e kadena di Hustisia na Kòrsou.

E 2 personanan ku a huramentá ta den representashon di Drug Enforcement Administration (DEA), ku ta operá na Kòrsou den kuadro di koperashon ku outoridatnan Merikano. DEA tin presensia na Kòrsou komo parti di su operashonnan i koperashon regional den Caribe. Ku e huramentashon, nan ta asumí e responsabilidat i obligashonnan ku ta pertenesé na nan funshon komo Polis Ouksiliar, den e kuadro di e kompetensianan ku lei i nan nombramentu ta otorgá nan.

Hopi éksito na momentu di ehersé boso funshon!