Crime causes harm. Justice repairs harm. Hustisia restorativo ta nesesario !

herstelrecht-ned-271116-2-logo

Crime causes harm. Justice repairs harm. Hustisia restorativo ta nesesario !

Transforming lives by repairing the harm caused by crime. E siman aki ta “siman di Restorative Justice” na Kòrsou ku e tema sentral e aña aki “Inspiring Innovation”.

Ministerio Públiko (OM), Ministerio di Desaroyo Sosial, Labor i Bienestar (SOAW), organisashon Gezinsondersteuning M&M mayor i yu‟i, Fundashon Sentro di Dama (SEDA), Stichting Slachtofferhulp Curaçao i Uitvoeringsorganisatie Reclassering, ta e organisashonnan den e kadena hudisial ku e siman aki ta para ketu na hustisia restorativo. Lo bo tende hopi di nos e siman aki.

Dikon hustisia restorativo ? Aki ta sigui algun reakshon di tantu víktima komo sospechoso ku a partisipá na hustisia restorativo: (fuente: http://www.restorativejustice.org)

Kulpabel: “Mi eksperensia tabata un di e atendimiento mas efektivo disiplinario ku ami a yega di bin den kontakto kuné. El a laga mi eksperensia kon mi Akshon a afektá otronan, no solamente direkto, pero tambe ku mi akshon a kousa un seri di konsekuensia. Eksperensia esei I e hecho ku mi a haña un chèns nobo, ta hasi mi agradesido.”

Kulpabel: “Mi tabata den shòk di e impakto di mi hechosnan riba e víktimanan di mi atrako. Nunka mi no a realisá kuantu efekto e tabata tin riba nan bida. Algun di nan no solamente a pèrdè nan trabou dor di e trouma, pero tambe a afektá nan relashon entre miembronan di nan famia. Bo no ta pensa riba esei na e momentu or abo kometé esaki.”

Víktima di abusu seksual: “Mi no ta rabiá mas, el a deshogá mi. Tende e hòmber bisa ku tabata su eror, tabata hopi impreshonante. Mi no por a kere, te ora mi mes a skuch’e. Niun otro hende lo no por a konvensé mi ku el a meen e.”

Enkurashá pa tipo di eksperensianan asina, a disidí algun aña pasá na Kòrsou den seno di e kadena hudisial pa sera kabes pa investigá i desaroyá maneho pa duna sospechosonan e posibilidat pa, basta e víktima ke, pa intermediá entre víktima i sospechoso. Investigashon sientífiko ta demonstrá ku esaki ta un método efektivo pa evitá residivista. Tambe e ta promové e e transformashon di trouma di e víktima.

Te ainda ta eksistí inklaridat pa hopi na Korsou tokante hustisia restorativo. Kiko e ta ? Hustisia restorativo, internashonalmente yamá „Restorative Justice‟, ta un proseso komun di intermediashon na unda responsabilidat propio pa e daño kousá serka e víktima i esnan envolví, papia riba e impakto di doló, i asumí responsabilidat pa e restourashon di e relashon entre sospechoso, víktima i esnan envolví.

E ta pues mas ku djis ofresé diskulpa. Ta intenshon pa huntu yega na un plan pa kon yuda e víktima pa restourá e trouma i duna e sospechoso mas bista riba e kousa di su akshon. Hustisia restorativo no ta dependé di e tipo òf peso di e delito. Kondishon mester ta ku e sospechoso mester a atmití e hecho i mester tin un víktima ku ta bai di akuerdo ku esaki.

Awor ta na esnan den e kadena hudisial pa duna mas konosementu na hustisia restorativo. P‟esei ta bai duna mas atenshon durante e siman aki. Den kuadro di e tema „Inspiring Innovation‟ ta bai start den siman di 29 novèmber ku un eksposishon den biblioteka públiko. Tambe miembronan di e asosashon Antilliaanse Juristen Vereniging (AJV) i otro interesado ta bai duna un presentashon dia 30 di novèmber. Tambe miembronan di e diferente organisashonnan den e kadena hudisial lo ta na radio i televishon pa duna mas informashon riba e tema di hustisia restorativo.

herstelrecht-pap-271116-1

herstelrecht-pap-271116-2

This site uses Akismet to reduce spam. Learn how your comment data is processed.

%d bloggers like this: