Parlamentario Eduard Braam ta lamenta ku sindikatonan APRI i PWFC

Parlamentario Eduard Braam ta lamenta ku sindikatonan APRI i PWFC pa medio di nan direktiva i konseheronan a mustra ayera den parlamentu durante di un reunión di komishon Sentral ku nan no ta haña sufisiente informashon pa ku desaroyonan rondo di GZE. Parlamentario Braam durante di su disertashon ayera mainta den parlamentu a mustra ku falta di informashon ta stroba e proseso di kana transparente. Tur kos ta mustra ku e proseso aki ta kanandó hopi lihé i no tin informashon ni pa parlamento ni pa sindikatonan.
Mirando ku no por duna un kopia di e “heads off agreement” pa e órgano mas haltu di país esta Parlamento ni tampoko pa sindikatonan, no tin un bista eksakto kiko ta kupo di trabou ku rafinderia lo tin. Meskos e gritu di “Equal Pay for Equal Job” no ta nada nobo. Loke Braam kier ta pa kumpli ku esaki asina trahadonan di refinería por tin un trankilidat finansiero.
E parlamentario independiente a puntra e sindikatonan kiko nan ta pensa di split Bullenbaai i Refinaderia durante die negosashonnan ku GZE. Sindikatonan a refutá esaki. Tambe Braam a indiká ku mester sa kiko e relashon ku Venezuela ta nifika pa nos futuro ya ku nos ta apenas 80 kilometer for di e país aki kual a drei nos refinaderia pa algún aña.
Braam kiersa kiko te motibu ku a pone e representante di trahadonan esta sr. Erol Cova foi negosashonnan di MDPT. Tambe e kiersa kuantu miembro MDPT tin i ken ta konseheronan di MDPT. E datonan aki no ta konosí pa sindikato pues pueblo ainda no sa ken tur ta laborando na MDPT ni Kiko eksakto esakinan ta hasiendo.
Un punto importante ku parlamentario Eduard Braam a para ketu na dje ta asuntu di polushon. For di medionan di komunikashon a bin dilanti ku China ta invertiendo masalmente den Caribe kual ta baha e polushon na nan país pero esaki tal anta kabes den nos área. Sr. Braam kiersa kiko esaki ta nifika pa nos medio ambiente. No ta deskonosí ku aktualmente tin un polushon enorme riba nos isla i ku tin gruponan ta bringando esaki. Riba e pregunta aki tampoko sindikato no tabatin kontesta.
Braam ta gradesi pa e intervenshon di sindikatonan i presenta su mes komo e parlamentario habri pa kombersa ku sindikantonan. Meta di esaki ta pa ta transparente dilanti pueblo di Kòrsou.

fb_img_1478477885291

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: