AVA AIRWAYS A FIRMA AKUERDO DI 65 MION DOLER PA KUMINSA OPERA FOR DI REPUBLIKA DOMINIKANA

Miéntras ku na Kòrsou ainda nan ta den apelashon:

AVA AIRWAYS A FIRMA AKUERDO DI 65 MION DOLER PA KUMINSA OPERA FOR DI REPUBLIKA DOMINIKANA

WILLEMSTAD/ST.DOMINGO — Djarason dia 14 di desèmber 2016, AVA Airways Curaçao den personanan di Giovanni Atalita i Olivier Arrindell i Capital Partners den persona di Dan Smith a firma un akuerdo di 65 mion dòler pa invershon den lantamentu di e kompania di aviashon AVA Airways. Di e suma aki, no menos ku 20 mion dòler ta disponibel den un forma inmediato na fin di yanüari 2017 pa asina ei finalisá e proseso pa kuminsá operá for di Repúblika Dominikana.

E representante di AVA Airways Curaçao, Sr. Giovanni Atalita ta na Repúblika Dominikana e dianan aki, kaminda huntu ku Olivier Arrindell a reuní ku e representante di Capital Partners, esta Sr. Dan Smith, kaminda a finalisá e deal i a firma esaki.

Ku e deal aki, na komienso di 2017, AVA Airways lo finalisá su trayekto ku ya tin algun tempu andando na Repúblika Dominikana, kaminda e kompania di aviashon aki lo kuminsá operá pa no menos ku 15 pais den Karibe.

Un dje 15 destinashonnan aki lo ta Kòrsou, kaminda den e próksimo lunanan lo bai un petishon ofisial na outoridatnan aeronóutika sivil, kaminda e petishon ta keda hasi pa por baha riba nos Isla. Esfuersonan grandi lo keda hasi pa esaki sosodé den e promé mitar di otro aña, kaminda lo bai konosé buelonan inougural pa diferente destinashon.

Kontrali na loke lo tabata e deseo for di 2014 pa Kòrsou lo por a bira un base i krea sentenáres di kuponan di trabou, AVA Airways pa awor aki i te na momentu ku e logra di haña su permisio ekonómiko na Kòrsou, lo habri un ofisina chikitu, tuma apénas algun persona na trabou pa asina ei atendé ku benta di pasashi pa e destinashonnan ku e lo kubri.
E akuerdo aki di 65 mion dobar ku a firma ku Capital Partners i e 20 mion ku ta bini na disposishon inmediatamente den yanüari 2017, AVA Airways ta bai disponé di no menos ku 4 airbus 319-200, ku lo ta hopi kómodo i plasentero pa e biahero.

Ta bon pa informá ku e Team di Capital Partner ku tabata na Santo Domingo a drenta profundamente den e “business model” i konsepto di AVA Airways ku nan a kere aden for di un komienso i ta para 100% su tras.

Tambe unabes na Repúblika Dominikana, e team a reuní ku su E organisashon ku lo bai atendé ku Marketing i Branding pa AVA Airways. A papia riba e diferente aspektonan ku nan lo atendé pa e kompania di aviashon nobo aki tantu na Repúblika Dominikana, pero tambe e diferente destinashonnan ku e kompania lo bula. Lo tin kampañanan na Spañó, Ingles i Papiamentu.

AVA Airways na 2014 a hasi su aplikashon pa por kuminsá operá na Kòrsou, pero pa motibunan puro polítiko, no a logra esaki. Nos petishon ku na desèmber 2015 a keda rechasá ketu ta bi ta den apelashon i Sra. Minister Camelia Romer no tin fin di duna nos e dokumentonan ku nos Abogado mr. Chester Peterson a pidi.

Di otro banda, AVA Airways ku tin su kontaktonan ku e tin den mundu di aviashon i sigur na Estádos Unídos, ta na dispuesto pa yuda Minister Camelia Romer pa saka Kòrsou for di kategoria 1 di FAA. AVA Airways ta sigui kere den Kòrsou i nos ta sigur ku banda dje kompania eksistente, nos tambe tin derecho di eksistensia.

Atentamente

AVA Airways team

Potrèt 1. Aki por mira momentu ku Señoresnan Giovanni Atalita i Olivier Arrindell di AVA Airways tabata firma er akuerdo di 65 mion dòler ku Sr. Dan Smith di Capital Partners.

Potrèt 2: D.r.p.d. Dan Smith di Capital Partners, Olivier Arrindell i Giovanni Atalita, e último dos nan di AVA Airways, mustrando union na Santo Domingo.

momentu-ku-ta-firma-akuerdo

sigur-den-e-proyekto

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: