BENNY NISBET (PPA): ‘PPA LO TENE ESNAN CU A SOSTENE E ACUERDO PA LOGRA UN ‘UPGRADER’ Y CONSECUENCIA PA SALUD PUBLICO NA ARUBA RESPONSABEL !!’


BENNY NISBET (PPA): ‘PPA LO TENE ESNAN CU A SOSTENE E ACUERDO PA LOGRA UN ‘UPGRADER’ Y CONSECUENCIA PA SALUD PUBLICO NA ARUBA RESPONSABEL !!’
Cu gran atencion PPA a scucha e Lider di MEP sra Evelyn Wever expresa su preucupacion encuanto di e malesa di cancer. El a expresa su preucupacion cu na Aruba lo tin basta caso di cancer y cu e pueblo lo ta sufriendo pisa ora cu nan tin e malesa aki. Tambe el a referi na e discussion encuanto di e uso di ‘carnabis’ den e lucha contra di cancer na unda MEP lo ta pro e uso di carnabis medico. Tambe el a referi na e intencion pa crea un departamento di oncologia na clinica dr. Rudy Engelbrecht na San Nicolas pa lucha contra di e malesa aki.
No ta por nada cu gab. Mike Eman lo ejecuta e idea pa un dept di oncologia esaki ta indudablemente mara na nan saber cu e presencia di un ‘upgrader’ lo tin su consecuencia ‘dramatico’ riba tereno di salud publico.
Sinenmbargo PPA no por comprende anto….di con fraccion di MEP den parlamento di Aruba a sostene e ‘transformacion’ di e fascilidad na San Nicolas den un Upgrader ? Upgraders den mundo cu ta procesa bitumen, extra heavy crude etc etc tin e nomber cu nan ta contribui na un racha di cancer y problema respiratorio . Na Alberta, Canada e aerea aki ta worde jama ‘cancer alley’ y na Venezuela e area rond di e Orinico rieuw tin hopi reclamo di e pueblo cu nan ta sufri di problema respiratorio y Cancer. Ta kiko bo por spera na Aruba despues di un par di anja cu un ‘upgrader’ ta funciona anto ??
Upgraders ta saca mucho mas CO2 cu un refineria y PPA ta ripiti mucho mucho mas ….n’import e uso di filters……e ta varia den entre 4 pa 5 vez mas !! Upgraders ta larga mucho mas asina jama ‘waste products atras esta pet-coke y sulfur…atrobe un cuatro vez mas of 30 % di un bari di crudo. E proceso di e waste products ta contribui na e problema menciona…..cancer y problema respiratorio. E ponencia den e acuerdo cu tur cos lo worde transporta pa exterior ta keda un deseo pasobra e ultimo anja varios refineria cu ta cai bao di PDVSA a keda pega cu nan material pasobra e.o. embargo a worde poni riba barco cu mester a trece of hiba e material encuestion for di otro sitio(refineria etc). Dus ta keda un risico basta grandi cu Aruba lo carga riba tereno di salud publico.
PPA ta cita for di un documento ‘BAD AIR AND RARE CANCERS’ di Canada:
“Nearby residents and farmers have complained about bad air, hydrogen sulphide pollution, massive flaring and poor regulation in what they also call ‘Cancer Alley’ for years.”
“ The region which includes three counties —Fort Saskatchewan- Stratcona County and Surgeon County now experiences Alberta’s HIGHEST RATES of male blood cancer, including rates of male blood cancers including leukemia and non-hogkins lymphoma.”.
Seguidamente PPA lo cita for di un documento relaciona cu Venezuela:
‘Perhaps the information in the report of greatest concern relates to the levels of pollutants at the Jose Antonio Anzoategui Industrial Complex, which houses the 4 upgraders that process the crude from the Belt(Orinoco) along with other related petrochemical industries’.
Na 2011 prensa Venezolano a publica cu un instancia civil a hasi un apelacion riba e accionistanan minoritario di PDVSA pa nan tambe carga nan responsabilidad den esaki…PPA ta cita: “ in the current projects in production on the Belt, to address the levels of coke being generated as a by-product of the upgrading of crude. E organization civil a hasi un intent pa defende e interes di ciudadania Venezolano biba den e aerea di e upgraders y PPA ta cita : ‘claiming that there were complaints by the inhabitants of villages near to the Jose Industrial Complex that they are suffering respiratory problems and allergies due to the waste products”. ‘Pollution due to the production of coke and sulphur waste from the upgrading process appears to be an ongoing problem at the Jose Antonio Anzoategui Industria complex..
E realidad ta cu ta pa e problema financiero di presupuesto di pais Aruba, gabinete Mike Eman/de Meza a scoge pa hinca Aruba den un Aventura di un Upgrader y parlamento a sostene e Aventura aki sin mas y lamentablemente oposicion den parlamento tambe.(hasta MEP a pretende cu ta nan ta habri e Upgrader) E pensamento of deseo lo ta cu e entrada di e Aventura aki lo por salba e situacion financiero di pais Aruba… esaki ta keda un deseo cu futuro lo demonstra con berdad e lo ta. Pero na mes momento tin un prijs cu lo worde paga pa Aruba. Un prijs den salud publico …un prijs pa ‘upgrade’ e lodo/e tar cu tur su dolor di Venezuela aki na Aruba..un isla cu ta depende pa 90 % di nos turismo.
Pesey mes PPA ta cuestiona si e 20 miembro di parlamento cu a vota ‘pro’ pa e fascilidad worde transforma den un Upgrader a hasi nan ‘huiswerk’ relaciona cu esaki !! Y pa e motibo aki y mucho mas PPA ta cuestiona e preucupacion di e Lider di MEP sra. Evelyn Wever den esaki.
Aruba lo conoce un aumento di ‘cancer’ den futuro sigur….y PPA ta tene tanto Gab. Mike Eman/de Meza , AVP, MEP y x Democracia Real directamente responsabel pa esaki. Aki PPA ta referi caso di ‘cancer’ den futuro unda ta evidente cu lo por a worde hanja a consecuencia di e presencia di un Upgrader na San Nicolas y no caso excepcional di cancer cu por a bin di proceso otro !!
Aruba, 5 di januari 2017 Lider Politico di PPA
Benny Nisbet

Advertisements