ORANJESTAD ARUBA RAPORT POLISIAL 

SCP a dirigí patruya na Cura Cabai Supermarket, kaminda a gara un pèrsona riba dak di e establesimentu menshoná.
Na e sitio a topa ku e hòmber W.W, kende a deklará ku e tabata drumí i a tende un sonido riba dak.
El a bai pafó, a kontrolá i a gara un hòmber riba dak.
E hòmber tabata kompletamente bistí na pretu.
Según W, e sospechoso tabatin un arma den su man, pero ku e no a logra mira ta kiko e tabata.
E sospechoso a kana drenta mondi i despues a pèrd’é foi bista.
A kontrolá e mondi i e kompleho di kasnan Cura Cabai Zuid, pero sin resultado.
Riba dak a haña un pata di kabra, i a tum’é den beslag na interes di e investigashon.
E sospechoso no a logra kibra e dak.

A tuma denunsia.
E kaso tin atenshon.

SCP a wòrdu poné na altura di e kaso.
=======================

CP a dirigí patruya na e vèlt di Monserat, kaminda un outo a wòrdu lagá atras.
Yegando na e sitio, polisnan a mira un Chevrolèt Equinox blanku, ku a wòrdu hòrtá den area di Marriott Surf Club, den oranan trempan di mainta.
E outo a keda kompletamente listrá i algun artikulonan for di den baúl tabata tirá abou.
E kapa di motor tabata habrí.
E outo tabata mustra intakto.
E outo a wòrdu tumá den beslag pa mas investigashon.

CP a wòrdu poné na altura.
=======================

Durante patruya, pa banda di 11:15, polisnan a duna un outo KIA PICANTO, kolor blanku, òrdu pa para, riba Caya Musica, pa motibu di bistimentu di faha den outo.
E KIA P a ninga e òrdu di polis pa para i a sigui su kaminda ku velosidat haltu, bayendo direkshon nort den Caya Musica.
Yegando na e krusada formá pa Caya Musica i Caya Imelda Catarina Eckmeyer Bermudez, e vehikulo a kuminsá kore riba man kontrali i despues a bai stòp na altura di kas na Mazurka 205.
E shòfùr, e hòmber, L, a wòrdu detené alrededor di 11:30.
Pa motibu ku no a sigui òrdu pa para i pa korementu di outo sin reibeweis.
Mas aleu polisnan a kontrolá e plachi di number.
Segun kontrol di SCP, a sali na klá ku e plachi di number lo no ta kuadra ku e vehikulo.
I p’e motibu aki a tuma e outo den beslag i hib’é na warda di polis na Shaba pa mas investigashon.
Mientras ku e ko-okupante den e outo, tabata ke a bandoná e outo, el a kohe un tas.
Den e tas polisnan a mira un pòchi di glas ku sakunan chikí ku kontenido paresido na marihuana.
E sospechoso di nòmber M, a wòrdu detené konforme art 4: lid 1 di LVM.
Polisnan a tuma kontakto ku SCP i a kontrolá e number di chasis i a sali na klá ku e outo tabata prosedente di ladronisia.
Mas despues pa banda di 11:40, a detené e dama J. pa sospecho di ta komplisé di robo di un vehikulo.
Tur 3 sospechoso a wòrdu mustrá riba nan derechonan i despues hibá na warda di polis na Shaba.
Bèk na warda a entregá e 3 beibinan ku tabata den e outo na nan famianan.
E sospechosonan a wòrdu presentá dilanti H.O.v.J. pa mas investigashon.
=======================

A drenta un mèlding via telefòn tokante un kiebro na Lago Heightstraat.
Na e sitio polis a wòrdu aserká pa un dama, kende a deklará na polis ku el a kaba di wòrdu hòrtá dor di 3 hòmber deskonosí.
Na e sitio polisnan a mira ku e porta parti patras ku ta keda ne parti suit di e kas, tabata destruí i saká kompletamente for di kozein i tabata abou bentá.
Tambe polisnan a ripará ku a wòrdu listrá den e kamber  te patras parti suit di e kas i a laga hopi ròmel atras.
Den e kamber dilanti parti nort di e kas, a wòrdu buská den kashi di paña, lachinan i e mesita di nochi i den un kahita di joyas.
Deskonosínan a purba kita e flètskrin for di su sostén, pero esaki no a logra.
Pa banda di 01:35, pèrsonal di ambulans a yega pa kontrolá e dama mirando ku e tabata un pèrsona diabétiko.
E dama a wòrdu kontrola na e sitio, pero no tabata deseá di bai IMSAN, anke su preshon tsbata haltu.

Pèrsonal di TBP i slachtofferhulp a yega na e sitio i tuma deklarashon.
=======================

This site uses Akismet to reduce spam. Learn how your comment data is processed.

%d bloggers like this: