KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Banco di Caribe ta optimalisá su sistema di BdC Online

bdc-online_token

Banco di Caribe ta optimalisá su sistema di BdC Online

WILLEMSTAD: Próksimamente Banco di Caribe lo optimalisá nan sistema di BdC Online Banking p’asina ofresé klientenan un mihó eksperensia. Pa por realisá esaki mester interumpí e servisonan di BdC Online Banking di 3 di febrüari pa 5’or di atardi te dia 5 di febrüari te final di dia. Klientenan na Kòrsou i Boneiru ku tin kuenta bankario ku Banco di Caribe lo no tin akseso na e servisio di BdC Online Banking.

Durante di e periodo ariba menshoná, lo no ta posibel pa hasi uso di BdC Online Banking. Pa kualke transakshon bankario durante fin di siman, klientenan na Kòrsou por akudí riba djasabra na Banco di Caribe su filial na Sambil entre 10’or di mainta i 2’or di mèrdia. Entrante dia 6 di febrüari 2017 BdC Online Banking lo ta bèk den servisio.

Unabes e optimalisashon ta kompletá, usuarionan lo por disfrutá di un mihó eksperensia online. Ta posibel pa, entre otro, un kliente mes aktivá òf blòkia su tarheta di banko ora e ta biaha bai eksterior. Tambe, e kliente mes por blòkia òf deblòkiá transakshonnan riba su kuenta si sosodé ku e a pèrdè e tarheta di banko. E optimalisashon lo hasi posibel ku e Kliente por aprobá transakshonnan i pagonan den un biaha. Meskos ku pa klientenan empresarial e asina yamá ‘bulk payment’ tambe ta posibel. Banco di Caribe ta pidi diskulpa pa e interupshon aki, pero ta sigurá ku despues di e optimalisashon, klientenan lo disfrutá di un mihó eksperensia riba e sistema di BdC Online.

639114718427035"
639114718427035"