Inisio Ofisial di konstrukshon di un área di rekreashon i deporte na Kas Grandi

Inisio Ofisial di konstrukshon di un área di rekreashon i deporte na Kas Grandi

Willemstad – Minister Suzy Camelia-Römer huntu ku Domeinbeheer ta invitá tur habitante di Kas Grandi, Hoenderberg i besindario kordialmente na inisio ofisial di konstrukshon di e área di deporte i rekreashon na Kas Grandi. E Inisio Ofisial lo tuma luga djaweps awor, dia 16 di febrüari 2017, na e área di rekreashon i deporte di Kas Grandi, pa mitar di 5 di atardi.

Despues ku a tene un anochi di informashon na luna di yüli aña pasá, unda Domeinbeheer a presentá e konsepto di e proyekto di desaroyo i risibí remarkenan konstruktivo serka habitantenan di e área, a yega na e punto unda por kuminsá ku e konstrukshon.

Den kuadro di esaki Domeinbeheer, huntu ku e kontratistanan i habitantenan di e área ke kuminsá e konstrukshon di forma ofisial ku un akto simbóliko i un selebrashon.