Parlamento di Kòrsou Ora di Pregunta (Vragenuur) den Parlamento, ku tópikonan ‘Situashon di koriente’ i ‘Tratadonan riba kombatimentu di droga den nos region’.
Parlamento di Kòrsou
Ora di Pregunta (Vragenuur) den Parlamento, ku tópikonan ‘Situashon di koriente’ i ‘Tratadonan riba kombatimentu di droga den nos region’.
Djaweps, 18 di sèptèmber 2025, Minister di Asuntunan General, sr. Gilmar Pisas, a presentá den sala di Parlamento pa kontestá preguntanan relashoná ku ‘Situashon di koriente’. E petishon pa e Ora di Pregunta aki a keda hasí dor di miembro di Parlamento, sra. Giselle Mc. William. Minister Pisas a inisia ku un presentashon pa despues pasa pa kontesta riba e diferente preguntanan.
Seguidamente a sigui ku e di dos tópiko ku a keda pidí pa miembro di Parlamento sra. Susanne Camelia – Römer relashoná ku ‘Tratadonan riba kombatimentu di droga den nos region’.
Presidente di Parlamento sr. Fergino Brownbill a indiká pa motibu di tempu miembronan di Parlamento no por a hasi preguntanan adishonal na Minister di Asuntunan General sr. Gilmar Pisas riba e promé tópiko. Pa e di dos tópiko si tabatin un espasio kòrtiku ku un miembro di Parlamento a probechá pa duna su remarke promé ku Presidente a sera e enkuentro.