KOMUNIKADO DI KUERPO POLISIAL KÒRSOU Título: Hinkamentu ku detenshon.

KOMUNIKADO DI KUERPO POLISIAL KÒRSOU
049 / 2017
17 febrüari 2017
Título: Hinkamentu ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 17 di febrüari 2017 alrededor di 00.05 or, Sentral di Polis a risibí notifikashon ku den Bargestraat tin un hòmber drumi abou i ta sangrando. Polis ku a yega na e sitio a haña un hòmber drumi abou ku diferente hinká na su kurpa. E víktima di 50 aña di edat a deklará ku un hòmber konosí pe a maltrat’é ku un kuchú. Ambulans a transportá e víktima pa poliklínika di SEHOS pa tratamentu médiko. Kontinuando ku e investigashon polis a haña informashon ku e sospechoso ta kanando riba Kaya Wilson “Papa” Godett. Mesora e unidat polisial a bai na e sitio i alrededor di 01.50 or a detené e hòmber sospechoso I.N.B. nasé na Kòrsou di 56 aña di edat, relashoná ku e kaso ariba menshoná. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.