“ARUBA MESTER UN SECTOR DI ‘HEALTH & WELLNESS TOURISM’ CU RIBA NIVEL INTERNATIONAL TA WORDE EVALUA DI TA UN TRILLION DOLLAR INDUSTRY !”

BENNY NISBET (PPA):
“ARUBA MESTER UN SECTOR DI ‘HEALTH & WELLNESS TOURISM’ CU RIBA NIVEL INTERNATIONAL TA WORDE EVALUA DI TA UN TRILLION DOLLAR INDUSTRY !”
Desde eleccion 2005 PPA tabata e prome y unico partido cu a presenta ‘health and wellness’ como un alternativa pa nos producto di turismo worde expande y diversifica. PPA a ripiti e alternativa aki den nos programa pa eleccion 2009 y 2013. Lastima cu signatura geel y berde no tabata desea di dedica atencion real y serio na e alternativa aki. Ultimo nos por a comprende cu bao di e actual gobernacion Mike Eman 2 cierto analisis y estudio limita lo a worde hasi for di cual lo tin mas atencion pa e sector di Wellness pero no suficiente cu nos por sinti e energia di tanto gobierno como ATA tras di e posibel sector aki.
PPA ta keda riba nos vision cu ‘Health and Wellness’ lo mester worde mas analisa door di experto local tanto di sector di Salud Publico como sector di Wellness na Aruba. No kabe duda cu e prome reaccion cu PPA a experiencia den curso di tempo ta cu Aruba su sector di ‘salud publico’ no ta di e nivel cu Aruba lo por brinda servicio na bishitante y cu Aruba lo no tin un sector di Wellness suficientemente desaroya. PPA a mustra gabinete Eman publicamente riba esaki na varios occasion pero visiblemente e x ministro di Turismo sr. Otmar Oduber No a scoge pa dedica atencion na esaki.
HEALTH AND WELLNESS UN TRILLION DOLLAR INDUSTRY !
PPA ta di opinion cu si analisa e sector di ‘travel’ international Aruba no por sera wowo pa e realidad cu ‘Health and Wellness’ ta trece cune. E sector aki ta worde considera e sector mas cresciente cu un valor financiero enorme den mundo. ‘Health and Wellness mundialmente junto ta worde considera un ‘trillion dollar’ industry.
Awendia mas persona ta busca pa accopla nan vacacion cu atencion medico y/of atencion di Wellness y e sector aki ta worde considera di tin un porcentaje hopi halto di ‘repeat customers’ y sigur den e asina jama ‘babyboomers’ Americano.
PPA a considerele hopi stranjo cu Aruba su diferente signature ‘geel y berde’ no a scoge pa studia esaki mas profundo mientras den C.T.O. (Caribbean Tourism Organization) a hasi un esfuerzo conjunto na 2007 y na 2012 pa stimula e diferente destinacion pa desaroya como un destinacion cu ‘Health and Wellness’ den Caribe. Lamentablemente Aruba no a demonstra un esfuerzo, atencion y e energia pa desaroya e sector aki.
Health Tourism:
PPA ta considera cu lo mester worde nombra un comission di professional di sector di Turismo di sector di salud publico y representacion directo di gobierno pa hasi un esfuerzo profundo y analisa unda Aruba lo por prepara e fascilidadnan y e professionalnan pa ofrece un pakete den prome instancia kizas limita pero cu tempo lo por expande esaki. E sector aki lo crea mas cupo di trabao pa jovennan cu termina nan estudio como dokter den exterior pero cu no por hanja un trabao actualmente. Tambe e sector aki lo crea cupo di trabao ‘professional’ acerca di esnan cu lo mester asisti e mediconan den nan trabao. Un pakete lo por worde formula di plastic surgery, dentistry, knee replacements y varios servicio mas. Resultado di un estudio asina lo mester worde discuti tanto den sector medico, sector di turismo y riba tereno politico…PPA lo bin bek riba e materia aki pasobra PPA tin como meta pa expande nos producto turistico. Mester apunta tambe cu ora Aruba pa cumpli cu e ‘standaardnan International’ hiza su nivel di duna e servicio medico ainda mas esaki lo tin un ‘spin-off’ positivo riba e nivel di servicio den salud publico local.
Wellness tourism:
Wellness tourism ta pone salud y bienestar na e centro di bo experiencia di viaje.
Viajenan organisa rond di e principio di ‘wellness tourism’ lo mester inclui:
a. Cuminda saludable
b. Ejercisio
c. Tratamento den Spa..
d. Oportunidad pa experiencia y expande bo spiritualidad y creatividad.

Aruba lo mester larga hasi un inventario profundo di kiko nos tin na e momento aki cu ta den e direccion limita di locual realmente ta ‘Wellness’. Nos ta bolbe ripiti turista cu scoge pa un ‘SPA vacation’ ta majoria vez ‘repeat customers’. Lo mester analisa ki nivel di SPA Aruba lo desea di jega na djele y e ‘pakete di servicio’ cu nan lo por ofrece nos bishitante y nos pueblo local.
Aruba lo mester larga prepara e ‘norma y standard’ International di e servicio y basa esaki riba ley pa garantisa un nivel adecuado di servicio.
Diversificacion y presencia di e sector ‘healt & Wellness’ lo trece cunele cu e nivel di nos producto turistico lo aumenta substancialmente y esaki lo tin su ‘spinoff efects’ riba nos sociedad den sentido positivo.
Pa locual ta trata nos ‘entrepreneurs’ PPA ta considera desaroyo di un sector asina un espacio nobo y amplio unda ‘entrepreneurs’ lo por hanja un rol economico etc pa desaroya cual lo ta masha interesante.
Desde 2005 PPA a splica cu e area aki lo por a duna Aruba e ‘competitive edge’ mientras tanto 12 anja a pasa Ni gobernacion di MEP Ni di AVP no a studia e materia profundamente y como tal por considera cu 12 anja a bai perdi pasobra durante e 12 anja aki Aruba su producto turistico no a worde diversifica.
Esey ta PPA su meta primordial….diversifica nos producto turistico, diversifica nos mercadonan for di unda nos ta trece turista….y diversifica nos pilar economico. Sostene PPA nos tin e vision y soluccion.
PPA lo bin bek riba e materia interesante aki.
Aruba, 27 di februari 2017 Lider Politico di PPA
BENNY NISBET

This site uses Akismet to reduce spam. Learn how your comment data is processed.

error: Content is protected !!
%d bloggers like this: